Свет

Врховниот лидер на Иран се појави во јавност (ВИДЕО)

  Врховниот лидер на Иран, ајатолахот Али Хамнеи, вчера присуствуваше на верска церемонија во Техеран, што е прво јавно појавување на лидерот по примирјето со Израел на 24 јуни. Кратко видео емитувано од државната телевизија го покажа Али Хамнеи како ги поздравува верниците во џамија за време на церемонијата по повод годишнината од мачеништвото на […]

2 минути за читање

 

Врховниот лидер на Иран, ајатолахот Али Хамнеи, вчера присуствуваше на верска церемонија во Техеран, што е прво јавно појавување на лидерот по примирјето со Израел на 24 јуни.

Кратко видео емитувано од државната телевизија го покажа Али Хамнеи како ги поздравува верниците во џамија за време на церемонијата по повод годишнината од мачеништвото на имамот Хусеин, важен датум за шиитските муслимани.

Али Хамнеи (86) се појави облечен во црно. „Крвта од нашите вени за нашиот водач!“, скандираа верниците пред него, кревајќи ги тупаниците. Државната телевизија соопшти дека снимката е направена во џамијата Имам Хомеини, именувана по основачот на Иран, која се наоѓа во центарот на Техеран.

Од безбедносни причини, Хамнеи објавувал однапред снимени пораки и избегнувал јавни појавувања за време на војната што започна на 13 јуни. На 26 јуни, во однапред снимена изјава емитувана на државната телевизија, Хамнеи вети дека Иран нема да се предаде и покрај повиците од американскиот претседател.

Последниот јавен настап на ајатолахот Али Хамнеи, на власт од 1989 година, беше на 11 јуни, кога ги прими членовите на парламентот. Два дена подоцна, Израел започна војна против Иран со цел да ја спречи земјата да се здобие со атомска бомба.

Поврзани теми:

актуелно|Иран|Хамнеи|бункер|израел напад

Повеќе на оваа тема:

Најнови вести од: Свет

Нов удар на Трамп врз Брисел: се зголемуваат за 25 отсто царините за автомобили и камиони од ЕУ

Американскиот претседател Доналд Трамп најави дека неговата влада ќе ги зголеми царините за автомобили и камиони од Европската Унија на 25 проценти уште од следната недела. Тој го обвини Брисел дека не го почитува претходно договорениот трговски договор. Овој најнов потег би можел да ги заостри уште повеќе трговските односи меѓу Соединетите Американски Држави и ЕУ, особено во автомобилскиот сектор.

Бардела, можниот кандидат за претседателските избори во Франција во 2027, најави отстранување на знамето на ЕУ од Елисејската палата, ако победи!

„Французите поседуваат вековна сила, способна да го разгори нивниот пламен како народ кога сè изгледа дека тој пламен бледнее. Сега реалноста во Франција е горчлива: по десет години макронизам, нашата земја страда од невидено индустриско и земјоделско распаѓање. “ – порачаа Жордан Бардела и Мари Лепен, лидери на партијата Национално собирање на Франција, на вчерашниот митинг одржан во Париз. Инаку, на 30 април, еден ден пред митингот, Жордан Бардела отворено најави отстранување на знамето на ЕУ од претседателската Елисејска палата и од премиерската резиденција Матињон, ако победи на претседателските избори во 2027 година. Во својата изјава Бардела нагласи дека „Елисејската палата не е обична зграда, туку место со силно историско и симболично значење“. Како што рече, „тоа е дом на францускиот народ“ и „токму затоа верува дека таму треба да се истакнува само француското знаме“. Во меѓувреме, на крајот на годинашниов март, неколку градоначалници од редовите на Националното собирање, избрани на општински избори, веќе ги отстранија знамињата на Европската Унија од своите општински сали.

Хаос на аеродромите и на границите на ЕУ, откако се воведе ЕЕС-системот, пропуштени летови, нервозни патници, кои се онесвестуваат, чекајќи со часови!

Воведувањето на системот за влез/излез (EES) предизвикува чекање со часови, пропуштени летови и нервозни патници низ цела Европа. Воведувањето на новиот систем за влез/излез (EES), кој се спроведува во повеќето земји од ЕУ, предизвика сериозни проблеми на аеродромите и граничните премини низ цела Европа.

Индиецот го ископал од гробот и го донел скелетот на починатата сестра во банката, за да може да ја подигне нејзината заштеда! (Видео)

Маж од Источна Индија тврди дека бил принуден да го однесе скелетот на неговата сестра во банка за да ја докаже нејзината смрт откако не успеал да ги повлече нејзините заштеди. Видео од државата Одиша, на кое 52-годишниот Џиту Мунданоси носи скелет во банка, стана вирално и предизвика јавен бес. Тој тврди дека го направил тоа од фрустрација бидејќи не можел да пристапи до парите, бидејќи немал официјален доказ за смрт.
Сите вести од Свет

Најнови вести

To top