Пакистанскиот премиер Шехбаз Шариф доживеа дипломатски незгоден момент на самитот во Ашхабат, главниот град на Туркменистан, кога по повеќе од 40 минути чекање неочекувано влезе во просторијата каде што рускиот претседател Владимир Путин веќе разговараше со турскиот претседател Реџеп Таип Ердоган. Шариф, придружуван од министерот за надворешни работи Ишак Дар и делегацијата, на крајот ја напушти просторијата по само пет минути.
Видеото од инцидентот брзо се прошири на социјалните мрежи, предизвикувајќи лавина од коментари и мемови, главно насочени кон „понижувањето“ на Пакистан на меѓународната сцена. Според руската државна агенција РИА Новости, Путин и Ердоган продолжиле со приватен разговор по заминувањето на делегациите, а Шариф „малку подоцна се придружил на состанокот, очекувајќи да преговара со Путин во друга просторија“.
Pakistan’s PM Shehbaz Sharif waited 40 minutes today for a meeting with Putin.
In the end, the prime minister got tired of waiting and unexpectedly walked into the room where, as it turned out, Putin was already holding talks with President Erdoğan.
Five minutes later, Sharif… pic.twitter.com/9ykdE3YW3R
— Anton Gerashchenko (@Gerashchenko_en) December 12, 2025
Овој инцидент се случи за време на меѓународен самит во Конгресниот центар во Ашхабат, каде што лидерите разговараа за регионални и енергетски прашања. Пакистанските медиуми го толкуваат како протоколарен пропуст од руска страна, додека критичарите на социјалните мрежи го гледаат како симбол на намаленото влијание на Пакистан во однос на клучните играчи како Русија и Турција.
Контекстот е дополнително интересен по неодамнешната успешна државна посета на Путин на Индија, каде што двете земји го зајакнаа „специјалното и привилегирано стратешко партнерство“, вклучително договори за енергија, одбрана и трговија. Оваа посета ја истакна растечката блискост меѓу Москва и Њу Делхи, додека Пакистан – традиционален ривал на Индија – очигледно остана во втор план.
Ниту Кремљ ниту пакистанската Влада не издадоа официјално соопштение за инцидентот, но настанот брзо стана вирален, поттикнувајќи дискусии за дипломатскиот протоколот и геополитичките приоритети на Русија во Азија.