Киев не е и нема да биде пречка за мирот, рече во синоќешното обраќање претседателот на Украина.
Неговата изјава уследи откако американскиот претседател Доналд Трамп вчера наведе дека Украина, а не Русија го забавува евентуалното склучување на мировен договор.
Трамп, одговарајќи на прашањето зошто сè уште не е решен најголемиот копнен конфликт во Европа од Втората светска војна, одговори дека причината е Зеленски.
Зеленски вели дека телефонски разговарал со генералниот секретар на НАТО, Марк Руте, за дипломатските активности со Америка.