Украинскиот претседател Володимир Зеленски на социјалните мрежи се заблагодари на турскиот колега Таип Реџеп Ердога, за вчерашната средба изјавувајчи дека Киев високо го цени учеството на Турција во дипломатската работа за изнаоѓање вистински начини за сигурен и достоинствен крај на војната.
Украинскиот претседател рече дека се подготвува да ги „оживее преговорите“ и да разговара со Ердоган како да се донесе „праведен мир“ во Украина
„Ердоган на средбатѕа предложи формати за разговорот, што јас го поддржав, и за нас е важно Турција да биде подготвена да ја обезбеди потребната платформа. Подготвени сме да работиме во сите други значајни формати што можат да доведат до резултати“,изјави Зеленски.
Но, главната работа за запирање на крвопролевањето и за траен мир е да се работи во координација со сите партнери и американското раководство да остане ефикасно, силно и да го приближи мирот, кој ќе трае долго време и ќе обезбеди безбедност за народот, напиша и Зеленски.
Од почетокот на оваа година, Украина ги поддржува сите решителни чекори и лидерство на американскиот претседател Доналд Трамп, секој силен и фер предлог за завршување на оваа војна. Само претседателот Трамп и САД имаат доволно сила конечно да ја завршат војната.
Инаку, САД се подготвуваат да презентираат нов мировен договор за Украина, објавија медиуми..
Висок функционер на Белата куќа очекува рамката на договорот да биде финализирана до крајот на ноември, можеби дури и оваа недела. Неименуван претставник на Вашингтон не исклучи дека, под поволни услови, ова може да се случи „уште оваа недела“.
Белата куќа и Кремљ тајно работат на план за прекин на војната во Украина