Украинскиот претседател Володимир Зеленски изјави дека Иран „активно работи“ против неговата земја со снабдување на Русија со оружје и технологија. Иран претставува „сериозна закана“ за Украина.
САД потврдија во септември дека Иран ѝ испорачал на Русија балистички ракети со краток дострел, трансфер што означува ново ниво на воена соработка меѓу Исламската Република и Русија.
„Иран всушност активно работи против нас со снабдување на Русија со оружје и технологија. Ова ги прави сериозна закана. Сепак, ние не бараме ескалација“, рече Зеленски. „Премногу добро ги разбираме разорните последици што може да ги донесе таков конфликт. Човечката цена, загубите, потенцијалните исходи од целосна војна. Но, Иран продолжува да ја поддржува Русија. Овој режим ја овозможува агресијата на Русија со обезбедување оружје и технолошка поддршка. Иран ги користи своите приходи од нафта за финансирање на воените напори.“ „Ова е суровата реалност со која се соочуваме“, додаде тој во интервју за за Newsmax.
Во март 2024 година, беше објавено дека во замена за балистички ракети, Русија можеби е подготвена да му снабди на Иран високотехнолошко руско оружје, што би можело дополнително да го разгори конфликтот на Блискиот Исток, рече Зеленски.
„Што се однесува до тоа дали Русија ќе му помогне на Иран за возврат, тие веќе го прават тоа, искрено. Прашањето е дали ќе го сторат тоа отворено. И ова, според мене, зависи целосно од силата и јасноста на позицијата на Соединетите Американски Држави“, рече Зеленски.
Интервјуто дојде нколку часови по израелскиот напад врз Иран…