Тема: али ахмети

На конгресот на ДУИ ќе бидат избрани четворица потпретседатели како дел од „внатрешната реорганизација“ и со „амин“ на Ахмети

Кои се четворицата, за кои информативната агенција Илирија ИНА објави дека се „имињата, што се споменуваат најмногу, и се очекува да бидат избрани како нови потпретседатели на ДУИ“, со „веќе добиена поддршка и согласност од претседателот на партијата Али Ахмети“? Бајрам Реџепи е постоен потпретседател на ДУИ и нејзин кандидат за градоначалник на Тетово на неодамнешните локални избори. Еркан Арифи е постоен претседател на селската општина Липково, во Кумановскиот регион. Валдет Џафери е правник и од 5 април 2016 до 1 јуни 2017 година бил министер за правда на Македонија. Фатон Положани е постоен претседател на органокот на ДУИ во Струга и бил поранешен заменик-министер за транспорт во 2016 година.

ДУИ ќе усвои „стратегиски резолуции“ за „јакнење на унитарниот карактер на државата“, „враќање на довербата во институциите“, „евроинтеграција“ и „национален договор за напредок“!

„Демократската унија за интеграција денес ќе го одржи својот петти конгрес во Скопјe. Покрај кадровските промени и реорганизацијата на партиските структури, од овој конгрес ќе произлезат и четири стратегиски резолуции. Резолуциите ќе ги претстави во својот говор лидерот на партијата Али Ахмети.“ – објави информативниот портал на албански јазик „Тетова сот“.

Али Ахмети подготви „метла“ за „седум истрошени и компромитирани личности“ од врвот на ДУИ?! – А ќе има ли и за него и кога?!

„Лидерот на ДУИ Али Ахмети подготви список на имиња, за кои се очекува да го напуштат раководството на партијата, отворајќи го патот за нови, професионални личности без негативен багаж. Меѓу првите, што заминуваат, се: Фатмир Дехари, Муса Џафери, Џеват Адеми, Теута Арифи, Рамиз Мерко, Садула Дураку и Реси Абдурахмани. Нивното заминување од раководната структура се смета како прв сериозен сигнал за длабока реформа и за изградба на пофункционална и подоверлива ДУИ. Долгото останување на овие луѓе во врвот на партијата создаде претстава за една затворена и крута структура, неспособна за реформи и да им понуди надеж на гласачите, особено на младите.“ – објави информативниот портал на албански јазик „Тетова сот“, изнесувајќи сознанија за наводна можна чистка во раководството на ДУИ, која би се извршила на нејзиниот конгрес, закажан за 20 декември 2025 година.

Ахмети: Не протестираме против државата Македонија, туку за слободата на ексводачите на косовската УЧК, на кои им се суди, иако се невини

Али Ахмети имаше дадено „лично“ „согласност“ за одржувањето на денешниот протест „за правда за поранешните водачи на косовската УЧК“, на кои инаку им се суди во Хашкиот трибунал, како осомничени дека извршиле воени злосторства врз цивилно население во 90-тите години од минатиот век. Реагирајќи околу вмешувањето на Ахмети во овој протест, истакнати политички аналитичари-Албанци од Македонија и од регионот, чии ставови веќе ги пренесе редакцијата на „Експрес“, претходно укажаа дека лидерот на ДУИ, кој доживеа не само изборен дебакл, туку и политички потоп, наместо да поднесе оставка, реши политички да го злоупотреби овој протест, во обид да го сопре вртоглавото урнисување на својот политички рејтинг меѓу неговите сонародници во Македонија. Неби Мерсели реагираше жестоко, критикувајќи го Али Ахмети дека „наместо да поднесе оставка, се претставува и натаму како командант на УЧК, па уште и продолжува да говори против Хашкиот трибунал, претставувајќи се и како господар на протестот во Скопје“!

Ангелов: Сите припадници на УЧК кои извршиле воени злосторства мора да одговараат

Злосторствата не смеат да се релативизираат ниту да се користат за политички цели и апсурдно да се бара ослободување на лица кои се осомничени, обвинети или осудени за дела опфатени со меѓународното хуманитарно право

Мерсели: Наместо да поднесе оставка, Ахмети говори на протести против Хашкиот трибунал, дури се претставува и како „господар“ на протестот на 13 декември!

„Приказната дека е ‘херој на војната и менувач на положбата на Албанците’ го одржа Али Ахмети жив во политиката во изминативе две децении. Затоа ги добиваше гласовите на Албанците. Но, избра да си игра со луѓе блиски до него и со оние, што ги делегираше. Половина од нив му го свртеа грбот кога почна да бледнее неговата слика како политички обединител на Албанците. Грбот му го свртеа дури и неговиот чичко, пријател од детството и идеал, и половина од неговите роднини. Лидерот на ДУИ Али Ахмети веќе доживеа политички потоп, тој загуби двапати на избори!“ – истакнува во својата колумна Неби Мерсели, политички аналитичар и новинар од Македонија, кој моментно живее во Канада.

Ахмети повикува на протест во Скопје за осудените водачи на ОВК: „Правда за ослободителите“

Лидерот на ДУИ, Али Ахмети, најави голем протест во Скопје на 13 декември 2025 година под мотото „вистина и правда за водачите на ОВК“, кои во моментов се судат пред Специјалниот суд во Хаг за наводни воени злосторства.

Мехмети: На ДУИ ѝ тргна наопаку и без длабоки реформи таа ќе замине во политичката историја!

„Алармот на ДУИ е вклучен. Овој конгрес може да биде последната шанса да се врати изгубената доверба. Ако има размислување, самокритика и храброст за длабоки реформи, може да се роди нова ДУИ, поодговорна и поблиска до граѓанинот. Но, ако сè остане на ниво на зборови и расудување, тогаш патот е јасен: партијата што некогаш ги водеше Албанците, се изложува на опасност да замине во политичката историја.“ – нагласува новинарот Емад Мехмети од Скопје во својата колумна со наслов „Решавачки конгрес на ДУИ: дали ќе донесе ново, или ќе се изложат на опасност да заминат во историјата?!“.

Најнови вести

To top