Македонија

Муцунски: Ахмети живее во фолклорот од пред 20 години

Според Муцунски, по повеќе од 20 години, свеста на Ахмети останува заглавена во тие времиња, особено во однос на предлозите за избор на Влада со Бадентерово мнозинство во парламентот и одлучување во Уставниот суд со двојно мнозинство за закони донесени со тој механизам.

Министерот за надворешни работи и надворешна трговија, Тимчо Муцунски, во интервју за емисијата „360 степени“ на МТВ, изјави дека претседателот на ДУИ, Али Ахмети, живее во фолклорот од периодот кога партијата првпат учествувала во владата во 2002 година. Според Муцунски, по повеќе од 20 години, свеста на Ахмети останува заглавена во тие времиња, особено во однос на предлозите за избор на Влада со Бадентерово мнозинство во парламентот и одлучување во Уставниот суд со двојно мнозинство за закони донесени со тој механизам.

– Можеби длабоко во себе знае дека сите овие работи за коишто зборува се нереални, но очигледно се чувствува дека му е стеснет политичкиот простор и нема друга тема на којашто може да дискутира. Јас не верувам дека има во оваа држава млад Македонец, Албанец, Турчин, Ром, Влав, којшто верува во сите овие работи. Јас знам дека нашите граѓани очекуваат да обезбедиме подобри услови во делот на стандардот на живеење. А овој политички фолклор потекнува од период којшто е од пред 20, па и повеќе од 20 години. Недостатокот на креативност и визија е причината зошто ДУИ е во опозиција. А по оваа реторика којашто доаѓа од господинот Ахмети, тоа што мене ми станува сè појасно, е дека ДУИ уште еден подолг период веројатно ќе мора да остане опозиција – изјави Муцунски.

Во врска со проблемите на актуелната власт да обезбеди Бадентерово мнозинство за одредени закони, Муцунски посочи дека овој механизам е дел од уставно-правниот поредок на земјата.

– Но, истовремено, не е механизам којшто се користи за избор во влада, за гласање во Уставниот суд. Хипотетички, кога би дозволиле Бадентер, Уставниот суд ќе го претвориме во алтернативен, втор законодавен дом во државата. Не е тоа неговата функција. Од уставно-правна гледна точка, апсолутно нелогично е тоа што го зборува господинот Ахмети. Од гледна точка на државното уредување, исто така е нелогично. Неспорно е дека на моменти има одредена комплексност при обезбедување на Бадентер, но, во актуелниот мандат на владата, законите коишто се поврзани со Бадентер во огромен обем се закони поврзани со европската интеграција на државата – закони коишто ќе имаат европско знаменце. И на крајот на денот, ако пратениците од опозицијата одлучат дека не сакаат да поддржуваат закони коишто се дел од европската агенда, тоа е потврда за друга лицемерност. Постојано на прес-конференции повикуваат за забрзување на процесот на европска интеграција, но еве гледаме како за тесни политички интереси не обезбедуваат Бадентерово мнозинство за закони коишто се поврзани со европската интеграција – рече Муцунски.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

(Видео): Избрана трасата за експресниот пат Кочани-Виница-Делчево, камен-темелникот в година, рече премиерот

По јавната расправа е избрана една од двете разгледани варијанти и дека апликацијата за проектот е веќе поднесена пред меѓународните финансиски институции.

To top