Тема: Премиер Христијан Мицкоски

Мицкоски: Ако нема основa за поскапување на лебот – ќе следат казни

Премиерот Христијан Мицкоски најави дека Владата ќе ја анализира состојбата со цената на лебот и ќе преземе мерки, ако се утврди дека има неоправдано зголемување, посочувајќи дека во спротивно ќе следуваат казни.

Мицкоски: Граѓаните мора да ја дознаат вистината за 27 април и луѓето, осудени за тероризам, за авантурата со СЈО и милионските хонорари за неговите „обвинители“!

Претседателот на Владата на Република Македонија Христијан Мицкоски, денеска изјави дека јавноста треба да знае како се одвивале одредени процеси поврзани со „оживувањата“ на предметите на СЈО кога поранешната специјална јавна обвинителка Катица Јанева беше веќе во затвор, како десетици луѓе беа судени за тероризам за случајот од 27 април 2017 година, а заштитени сведоци под присила давале искази за случувањата на 27 април во Собранието, но и за пренесувањето на надлежностите за пожарот во модуларната ковид-болница во Тетово, за случаи во енергетиката, во доменот на јагленот, дали постојат фирми што спонзорирале одредени политичари, нивни возила, имоти…

Мицкоски: Како ниедна држава во Европа го намаливме ДДВ на нафтата, следи намалување и на акцизите и маржата!

Владата ја следи состојбата со цените на нафтата и доколку продолжи растот на берзите по истекот на двонеделната мерка за намалување на ДДВ-то од 18 на 10 отсто, доколку продолжи растот, следна мерка ќе биде намалување на акцизите и маржата, односно цената на складирање и транспортните трошоци – истакна денеска премиерот Христијан Мицкоски.

Мицкоски за „грчката интервенција“ околу името Македонија во говорот на Меланија Трамп: Невозможно е некој дипломатски претставник однадвор да ѝ го рецензира!

Премиерот Христијан Мицкоски ги отфрли како неосновани наводите во дел од грчките медиуми дека нивниот амбасадор во САД интервенирал во говорот на првата дама на САД, оценувајќи дека такво нешто е практично невозможно и оти претставува обид за медиумска манипулација.

Мицкоски: Очекувам јавниот обвинител да истражи како ги предаде Катица Јанева случаите од затвор, како се судеа луѓе за тероризам и како се делеа бонуси во СЈО!

На денешната седница на Собранието посветена на пратенички прашања, претседателот на Владата Христијан Мицкоски говореше за очекувањата од работата на новиот Јавен обвинител. „Очекувањата од новиот јавен обвинител се големи, во смисла дека имаме чувство, а до некаде и информации, дека голем дел од предметите и претставките, кои дел од институциите како резултат на внатрешната ревизија ги имаат доставено до канцеларијата на Јавниот Обвинител, стојат или во фиока, или на дното од приоритетите. Честопати на седница на Влада ја анализираме работата на институциите врз основа на извештаи, кои што ДЗР ги доставува до Владата и до сега јас лично, може стотина пати, имам прашано: ако ова го констатирал Државниот завод за ревизија, дали ова е некаде процесуирано? Одговорот без исклучок е ‘да, процесуирано е до Јавниот Обвинител’ Очекувам сите овие предмети да бидат извадени и да се работат и да се види дали таму има основано сомнение за сторен криминал од луѓето кои ги воделе тие институции или нема.“ – нагласи премиерот Мицкоски.

Мицкоски: Ако се обединиме како регион, можеме да привлечеме огромни енергетски инвестиции

Премиерот Христијан Мицкоски во синоќешното интервју во емисијата „Заспиј ако можеш“ на ТВ Алфа предложи Западен Балкан заеднички да настапува во привлекување на огромните идни енергетски инвестиции кои ќе бидат потребни за задоволување на растечките потреби на светот.

Премиерот предупреди: Во владата има луѓе што не го даваат максимумот

Претседателот на Владата, Христијан Мицкоски, во интервју за „Заспиј ако можеш“ на ТВ Алфа порача дека Владата дава максимум во работењето, но истакна дека кај одредени поединци има дилеми и задршки.

Мицкоски: Нема да бидеме предизборна алатка во рацете на политичари од Бугарија, кои му припаѓаат на минатиот век!

„Во овој момент не би сакал да бидеме алатка во рацете на политичари во Бугарија, кои му припаѓаат на минатиот век, а не гледаат кон идината. Да не им дозволиме на тие политичари да водат изборна кампања врз ова прашање.“ – изјави денес претседателот на Владата на Република Македонија Христијан Мицкоски, одговарајќи на новинарско прашање во врска со амандманите во извештајот на Томас Вајц за Македонија.

Мицкоски: Реконструкција на Владата во мај, или јуни – Нема коалициски договори и преговори со други партии

Премиерот на Владата на Република Христијан Мицкоски изјави дека во мај или јуни, за кога се планира реконструкцијата на Владата, ќе се знае дали и кој министер ќе замине од одредено министерство, или ќе премине во друго министерство.

Мицкоски: Ние сме Влада, избрана од народот, и се однесуваме во корист на граѓаните – нафтените деривати поефтинуваат денес за околу 2,5 денари!

За околу 2,5 денари по литар се очекува да бидат намалени цените на нафтените деривати во земјата, откако Владата и Министерството за енергетика, рударство и минерални суровини договорија попуст со најголемиот снабдувач, компанијата ОКТА, информира денеска претседателот на Владата на Република Македонија Христијан Мицкоски.

Мицкоски: Зголемен е бројот на странските инвеститори, што се задоволни од бизнис климата во државата и кои се подготвени да ја зголемат својата инвестиција

„За нас странските инвеститори се исклучително важни исто како и домашните инвеститори, бидејќи економијата е една од главните приоритети на функционирањето на оваа Влада, како и сѐ друго, што е составен дел во таа борба за колку е можно подобра економија.“ – истакна премиерот Христијан Мицкоски по работната средба со Советот на странски инвеститори.

Мицкоски: Менкиноски не е криминалец, туку чесен граѓанин, кому „грев“ му е застапувањето на правата на Македонците! – ЕУ да го осуди ова однесување на Бугарија!

Премиерот Христијан Мицкоски јавно го осуди тоа што се случува со адвокатот Тони Менкиноски, кој доби црн печат од граничната полиција за влез во Бугарија до 2036 година, оценувајќи дека „тоа е лоша порака“ и дека „тоа директно влијае врз имиџот на самата Европска Унија, доколку не излезе со осуда на ваквото однесување“.

Најнови вести

To top