Тема: Влада на Република Македонија

Муцунски: Целосно ги отфрлам дезинформациите дека постои било каков договор со Обединетото Кралство за прифаќање мигранти

Во целост ја отфрлам дезинформацијата дека Владата или Министерството за надворешни работи и надворешна трговија разговарале или склучиле било каков договор со Обединетото Кралство за прифаќање мигранти

Мицкоски: Нашата борба не е само за избори, туку и за душата на Македонија, за држава, што ќе нè спои, а не да нè дели

„Моментот, што го чекале генерации, е пред нас, време е за ресет на системот, време е да ги скршиме веригите на неправдата и да изградиме држава на правда, слобода и грижа за секого. Оваа наша борба не е само за избори – ова е борба за душата на Македонија. За држава што ќе нè спои, а не ќе нè дели. За иднина, во која никој нема да биде поважен од другиот и во која секој ќе има еднаква можност да успее.“ – порача од синоќешниот митинг во Тетово претседателот на Владата на Република Македонија и лидер на ВМРО ДПМНЕ Христијан Мицкоски.

Ако не се урне сценариото за уривање на Македонија, Македонците ќе станат бестатковинци – новите „Курди во Балканот“

Французите ги уриваат Макрон и неговата влада, ама не ја уриваат и Франција како држава, што е целта со Македонија! Се обидуваат и Германците да ги урнат германската владејачка коалиција и Мерц, ама не се стремат да ја урнат Германија како држава, што е целта со Македонија! Потребно е македонско национално и македонско државно единство во напорите за создавање услови за подобар живот за сите граѓани без оглед на етничката и политичката припадност, отфрлајќи било чии меѓународни замешателства во нашите внатрешни работи.

Муртезани: Предвремени парламентарни избори нема да има, владата функционира стабилно – Беким Сали вицепремиер наместо Изет Меџити

„Предвремените избори би ја успориле реализацијата на клучните владини проекти, чии резултати се очекуваат во 2026 година. Ако одиме на избори, ќе изгубиме цела година. Засега нема никаква потреба од тоа.“ – нагласи Орхан Муртезани, министерот за европски прашања и потпретседател на Алтернатива, која е дел од Вреди, во интервјуто за емисијата „360 степени“ на Првата програма на Македонската радиотелевизија.

Мицкоски: По изборите ќе го ресетираме системот, за да ги скршиме веригите на неправдата и „мрежите на длабоката држава“, кои ја задушуваат Македонија

„Најавениот ресет нема да биде одмазда, туку враќање на довербата во институциите и во владеењето на правото.“ – нагласи претедателот на Владата на Република Македонија и лидер на ВМРО ДПМНЕ Христијан Мицкоски на вчерашниот митинг во Македонски Брод.

Николовски: СДС е најголемата криминална банда во историјата на Македонија! Ја опустошија и вршеа национални предавства!

„Потребна е голема мобилизација на овие избори. Масовно да се излезе на 19 октомври, да гласаме за број 9 и да победиме уште во првиот круг, за да ѝ ставиме конечен крај на оваа банда.“ – кажа потпретседателот на Владата на Република Македонија и потпретседател на ВМРО ДПМНЕ Александар Николовски во текот на вчерашните обраќања на митинзите во Струмичко.

Мицкоски: Секој миг ги градам темелите на Македонија, кои ги уриваа СДСМ, но ќе им се скинат куферчињата со пари, што ги добиваа за тоа од Бугарија!

„Служејќи им како слуги на нивните политички господари од источниот сосед СДСМ ја разурнаа државата и направија системот да пропаѓа, кои сега мораме да ги градиме од нивните темели. Но нека не создаваат лажна слика на душогрижништво, затоа што темелите на овој дом се составени од надежите, мотивите и жртвата на илјадници луѓе, кои се вградија во тие темели. Целото мое време го посветувам, за да ја кренеме Македонија, ама нека не се залажуваат и нека не помислуваат дека заборавив сѐ, што ѝ направија на државата!“ – им порача претседателот на Владата на Република Македонија и лидер на ВМРО ДПМНЕ Христијан Мицкоски на лидерот на СДСМ Венко Филипче, неговиот гуру Зоран Заев и на нивните сопартијци од вечерашниот митинг во Струмица.

Арифи: Ерата на Ахмети е завршена, сега се бори за преживување и зачувување на богатството и влијанието, а не за заштита на интересите на Албанците!

„Лидерот на ДУИ Али Ахмети повеќе не може да дише дома, затоа се обидува да добие политички кислород во Тирана и Приштина. Бара поддршка од странство, бидејќи тука, меѓу Албанците кои некогаш му веруваа, довербата згаснала. Ахмети пројавува страв од правдата, дека ќе ги загуби тендерите, моќта, привилегиите и незаконски стекнатото богатство. Затоа се свртува кон носталгијата за војната и шири омраза.“ – нагласува Латиф Арифи, националниот координатор за комуникации и медиуми во Владата на Република Македонија, реагирајќи остро кон најновиот „Почесен докторат на науки“, што му го додели Европскиот универзитет во Тирана деновиве на шефот на интегративците“, поради „неговиот придонес кон правата на Албанците во ‘РСМ’.

Владата нема да толерира ничиј криминал: разбиена шумска мафија во Берово, Пехчево и Делчево, уапсени директор на Македонски шуми и полициски началник!

Со оваа најнова успешна полициска акција Владата на Република Македонија и нејзиното Министерство за внатрешни работи испраќаат јасна и категорична порака: корупцијата, уништувањето на природата и злоупотребата на функциите воопшто нема да бидат толерирани, без оглед на тоа кој стои зад нив!

Мицкоски: На локалните избори ќе победи владината коалиција – Левица ќе има кандидати во Тетово, Гостивар и Струга, само за да ја спасува ДУИ

„Не можеме наеднаш да поправиме се што било уништувано со децении. Направивме многу, а уште повеќе останува да се направи. Ветувавме чесна и напорна работа и тоа го правиме во изминативе 15 месеци. Нема криминал, скандали на грабеж, на висока корупција, како што имаше секој ден во изминатите години.“ – посочи претседателот на Владата на Република Македонија и лидер на ВМРО ДПМНЕ Христијан Мицкоски во интервјуто, дадено за ТВ Алсат М вчеравечер.

Мицкоски: Се сомневаме кој може да стои зад пожарите, но не би коментирал како и каде, географски

Претседателот на Владата на Република Македонија Христијан Мицкоски во интервјуто за ТВ Алсат напомна дека не би сакал да изнесува во овој момент детали околу надворешните влијанија.

Мицкоски: Има центри на моќ, кои кои не ѝ сакаат добро на Македонија, но граѓаните да бидат спокојни, институциите ги надминуваат предизвиците

Претседателот на Владата на Република Македонија Христијан Мицкоски ѝ се обрати вечерва на најшироката јавност во земјата со порака дека надлежните државни институции реагираат и соодветно и исклучително брзо во справувањето со предизвиците, пред кои се става македонската држава, поради хибридните напади врз неа од страна на центри на моќ, кои целат на влошување на ситуацијата во Македонија.

Најнови вести

To top