Бизнис

„Факом“ во стечај, работниците чекаат 10 плати!

Досега раководството на компанијата не дало официјално објаснување за причините што доведоа до ваквата состојба, ниту со став за иднината на компанијата и побарувањата на работниците

Основниот граѓански суд во Скопје донесе одлука за отворање стечајна постапка над металуршката компанија „Факом“, додека незадоволните вработени протестираа пред фабриката барајќи исплата на заостанатите примања.

Одлуката доаѓа по подолг период на финансиски проблеми во компанијата, во која работниците, според синдикатот, не добиле плата во изминатите десет месеци. Сега нивните надежи се насочени кон стечајната постапка, од која очекуваат да произлезе решение за исплата на долговите кон вработените.

За стечаен управник е именуван Томе Петров. Од Основниот граѓански суд информираа дека на рочиштето предлагачите останале на барањето за отворање стечајна постапка, по што судот донел соодветна одлука. Формалното решение треба да биде објавено во „Службен весник“.

„Околу петстотини фамилии во денешно време без здравствено осигурување. Која голгота преживуваат овие луѓе зад мене тука. За жал, ќе потенцирам, за овие десет месеци ни починаа четворица колеги, се мислам дека поради оваа голгота што ја трпат луѓето“, изјави Аднан Узеировски, вработен во „Факом“ и претставник на синдикатот.

Од синдикатот СИЕР посочуваат дека компанијата имала договорени нарачки и продолжила со работа, но и покрај тоа не биле исплаќани платите на вработените.

Досега раководството на „Факом“ не дало официјално објаснување за причините што доведоа до ваквата состојба, ниту со став за иднината на компанијата и побарувањата на работниците.

Стечајната постапка треба да го утврди имотот и обврските на компанијата, како и побарувањата на доверителите, меѓу кои се и вработените со неисплатени плати.

Најнови вести од: Бизнис

Европската бизнис-асоцијација ги поврза студентите со бизнис-приказните – Глобална недела на претприемништвото

Студенти од економските факултети при УКИМ, УГД и ЈИЕУ имаа можност да разговараат со претставници на компании од различни сектори за препознавањето на потребите на пазарот, започнувањето сопствен бизнис и вештините потребни за негов развој.

(Фото): Николоски во Виена повика на регионална соработка и поврзување

Зборувајќи на панел дискусијата “Заедничка визија за долгорочна економска соработка” вицепремиерот Николоски потенцира дека е потребен заеднички пристап на земјите од регионот за претставување на глобалниот пазар.

„Со свои раце, создадено со љубов“: 17. издание на Фестивалот на младо вино на „Тиквеш“ ги обедини луѓето и винската традиција

Фестивалот е и многу повеќе од прослава на младото вино, тој е прослава на луѓето, заедништвото, љубовта и вербата во иднината. Токму тие вредности се во сржта на филозофијата на „Тиквеш“, компанија која ја надградува својата богата традиција со знаење, иновации и современи пристапи, останувајќи посветена на создавањето вина и искуства што ги поврзуваат луѓето.

ЕВН вработува инженери, огласот е отворен до 23 ноември

Заинтересираните кандидати треба да имаат завршено средно електротехничко образование – IV степен, насока енергетика. Дополнителни квалификации за работа под напон, положен стручен испит за ракување со енергетски уреди и постројки, како и познавање компјутерски вештини ќе се сметаат за предност.

В среда продолжува Комисиската расправа за Предлог-буџетот за 2027 година

За капитални расходи се планирани 40,8 милијарди денари. Даночните приходи се проектирани на 223,1 милијарди денари, што претставува раст од 6,4 проценти. За социјални трансфери се предвидени 220,8 милијарди денари, што е зголемување за 4,1 проценти, од кои 123,8 милијарди денари за исплата на пензии или раст за 4,8 проценти во согласност со законското усогласување.

To top