Хроника

Ја удрил по глава со гајба полна шишиња

Основното јавно обвинителство (ОЈО) Скопје започна истрага против маж осомничен за извршување на кривично дело – нанесување тешка телесна повреда на жена со која имал претходни лични несогласувања, соопштија денеска од Обвинителството.

1 минута за читање

Основното јавно обвинителство (ОЈО) Скопје започна истрага против маж осомничен за извршување на кривично дело – нанесување тешка телесна повреда на жена со која имал претходни лични несогласувања, соопштија денеска од Обвинителството.

Инцидентот се случил на 23 август во попладневните часови, кога оштетената се сретнала со осомничениот пред угостителски локал во скопската населба Автокоманда. Според информациите од Обвинителството, осомничениот најпрвин вербално ја нападнал жената со навреди, а потоа земал пластична гајба наполнета со стаклени шишиња и ја удрил по главата.

По ударот, жената обилно искрварила и, иако зашеметена, успеала да повика полиција. Итно била пренесена во болница со возило на Брза помош, каде ѝ биле констатирани тешки телесни повреди.

„Оштетената почнала обилно да крвави и зашеметена успеала да повика полиција. Потоа со Брза помош е пренесена во болница каде и се констатирани тешки телесни повреди“, се вели во соопштението од Обвинителството.

Со цел да се спречи понатамошно загрозување на безбедноста на жртвата, јавен обвинител побара од судија на претходна постапка при Основниот кривичен суд Скопје да се изречат мерки на претпазливост против осомничениот. Овие мерки вклучуваат забрана за приближување и контактирање со оштетената, привремено одземање на неговата патна исправа, како и обврска за редовно јавување кај надлежно службено лице.

Поврзани теми:

обвинителство|ОЈО|Брза помош|тешко повредена

Повеќе на оваа тема:

Најнови вести од: Хроника

МВР за шокантниот случај: 15-годишниот гостиварец цела година ја вознемирувал 13-годишната сестра, а пред 3 месеци ја силувал

Јавен обвинител од Основното јавно обвинителство Гостивар поднесе барање за подготвителна постапка и предлог за притвор за 14-годишно дете, поради основано сомневање дека извршило продолжено кривично дело родосквернавење.

Затвор од 8 години доби Штекли, а со другите тројца од групата вкупно 26 години и 10 месеци, кои заедно продаваа низ Скопје еден грам кокаин за 100 евра!

Со пресуда на основниот суд во Скопје Раде Трајковски Штекли доби затворска казна од 8 години, а останатите тројца членови на организираната група, која се занимавала со незаконска трговија со дрога, добија тројца по 5 години и еден доби затвор од 3 години и 10 месеци. На Штекли и неговата група им се судеше безмалку една година.

Газдата на изгорениот „Пулс“ Деко нема да оди во куќен притвор, поради негативното мислење на Обвинителството за таквото барање

Одбраната на првообвинетиот за пожарот во Кочани, сопственикот на изгорената дискотека „Пулс“, Дејан Јованов-Деко, пред почетокот на денешното рочиште за пожарот во судницата во „Идризово“ до судот достави дополнителна медицинска документација за нарушената здравствена состојба и побара замена на притворот со куќен притвор. На ваквото барање од одбраната со негодување реагираа родителите на жртвите, кои го следат процесот во судницата. Барање за куќен притвор поднесоа и други обвинети за пожарот во „Пулс“.

Доживотен затвор за Денис Асанов (74) за чудовишното убиство на Борјанка Николова (79) од Штип, на која и ги отсекол главата и нозете, а телото го распарчил

Асанов ја убил Николова и со остар предмет, ѝ ги отсекол главата и нозете, а трупот со рацете го закопал во дворот на неговата куќа, додека главата и нозете ги фрлил на непознато место

Акција на МВР околу незаконскиот интернет-пазар „OLVX“ во тетовска Голема Речица – ФБИ од САД вклучени во случајот

Секторот за компјутерски криминал при Министерството за внатрешни работи, постапувајќи по првично добиени информации од ФБИ, спроведе заедничка координирана истрага поврзана со нелегален онлајн пазар познат како „OLVX“. Секторот за компјутерски криминал продолжува со преземање мерки и активности за целосно расчистување на случајот, заради идентификација на сите вмешани лица и обезбедување релевантни докази, согласно со важечките законски прописи.

Брутална тортура од три повозрасни девојчиња врз шестоодделенка во Ѓорче Петров, ја гореле со цигара и ја присилувале да јаде измет од куче!

Родители пријавиле морничав злосторнички случај на врсничко насилство меѓу ученички од основно училиште во Општината Ѓорче Петров, објави Вечер Прес.
Сите вести од Хроника

Најнови вести

To top