Претседателката на Република Македонија Гордана Сиљановска-Давкова, во својство на покровителка на Охридскиот пливачки маратон, им ги додели наградите на победниците врз основа на регистрираните резултати во моментот на прекинот на натпреварот.
На оваа престижна меѓународна спортска манифестација, којашто по 38-ми пат се одржа во Охрид, во женска конкуренција победничка е Мајте Ајлен Пука. Победници во машка конкуренција се Матео Фурлан, Федерико Тамборино и Матијас Дијас Хернандес.
Посакувајќи им добро здравје и нови спортски успеси, шефицата на македонската држава Сиљановска-Давкова им честита на победниците и на сите учесници на маратонот. Таа им изрази признание, поради издржливоста, посветеноста и спортскиот дух.
На патеката „Климе Савин” годинава се натпреваруваа 16 пливачи од шест држави: десет во машка и шест во женска конкуренција, меѓу кои четворица македонски натпреварувачи.