Македонија

Касами: Има планови за палење на џамијата на Попова Шапка и за меѓуетнички судири!

Дојдоа ли на ред во предизборието и верските објекти во нечии мрачни агенди и дестабилизациски планови?!

„По Аднан Азизи, шефот на Централниот изборен штаб на коалицијата Вреди, сега и лидерот на Беса и градоначалник на Тетово Билал Касами вели дека постојат планови за палење на џамијата на Попова Шапка!“ – објави информативниот портал на албански јазик „Тетова сот“

Во својата информација порталот наведува: Откако синоќа на митинг во Теарце, Аднан Азизи упати тешки верски обвинувања дека има планови да биде запалена џамијата на Попова Шапка, денес и градоначалникот на Тетово Билал Касами ги потврдува овие негови зборови.

Касами нагласува дека постојат индикации за меѓуетнички судири и оти безбедносните институции се информирани за плановите за палење на џамијата на Попова Шапка.

„Информациите како од дома, така и од соседните земји, укажуваат дека неодамнешниот конфликт со тепачки е стимулиран од такви елементи. Во со случајот со џамијата на Попова Шапка безбедносните институции се информирани, тие со внимателност го следат секој чекор во оваа насока. На овие институции им се дадени предлози да ја следат ситуацијата 24 часа на ден и да не толерираат одредени елементи, кои создаваат меѓуетнички конфликти за политички цели за време на предизборниот период. Ги собираме фактите и аргументите, што ги имаме, и ќе ги информираме и амбасадите во земјата.“ – рече Касами,

Албанските опозициски партии побараа Обвинителството веднаш да покрене истраги во врска со овие изјави на Аднан Азизи и Билал Касами и да ја открие вистината, објави „Тетова сот“

Најнови вести од: Македонија

Ахмети: Балканските криминалци соработуваат, но не и политичарите

„Трагедијата е во тоа што народите и политичарите кои ги претставуваат – и Македонците, и Албанците, и Србите – не успеваат да соработуваат за да изградат мирен Балкан и посигурна иднина за сите нас“, вели лидерот на ДУИ

Аларм: Секое 10-то дете во Македонија изложено на сексуална злоупотреба на интернет

Секое десетто дете во Македонија на возраст од 12 до 17 години коешто користело интернет било изложено на сексуална експлоатација и злоупотреба. Станува збор за околу 12.000 деца, бројка што ја потврдува и последното истражување на УНИЦЕФ.

(Видео): Проблемот со кравите во Крива Паланка стигна до Обвинителството – Општината поднесе кривични пријави

Крива Паланка, заедно со жителите од засегнатите села, поднесоа неколку кривични пријави до Обвинителството поради институционално непостапување по извршни решенија за одземање на добитокот што слободно шета во градот и пошироко.

To top