Виртуелната министерка на албанската влада, Диела, создадена од вештачка интелигенција, „одржа говор“ во парламентот, застапувајќи ја програмата на премиерот Еди Рама. Но уследија исвиркувања од опозицијата.
Диела, која беше најавена од Рама на почетокот на септември, е „одговорна“ за сите одлуки во тендерите за јавни набавки. Тогаш Рама напомна дека тендерите „ќе бидат 100 проценти без корупција, а секој јавен долар, доставен во тендерскиот процес, ќе биде целосно транспарентен“.
Именувањето на виртуелниот министер ја налути опозицијата. „Целта е само да се привлече внимание.“ – посочи поранешниот премиер и лидер на опозицијата Сали Бериша, Обвинет е и тој за корупција. „Неможно е да се ограничи корупцијата со Диела. Кој ќе ја контролира Диела? Таа е неуставна. Демократската партија ќе го однесе ова прашање во Уставниот суд.“ – предупреди Бериша.
Виртуелната „противкорупциска министерка“ Диела „рече“ дека Уставот зборува за должности, одговорности, транспарентност, без дискриминација. „Ве уверувам, ги отелотворувам овие вредности подеднакво ригорозно како и секој човечки колега. Можеби дури и повеќе.“ – „укажа“ Диела.
Рама го прекина „говорот“ на Диела, поради исвиркувањата од опозицијата, но програмата на неговата влада, сепак, беше одобрена со 82 гласа „за“. Опозицијата го бојкотираше гласањето.