Македонија

Скопје станува центар на современата кардиологија

Започнува Регионалната школа за срцева слабост

3 минути за читање

Во Скопје започнува Регионалната школа за срцева слабост, настан од исклучителна важност на кој свое предавање ќе имаат 22 врвни професори кардиолози од цела Европа, а ќе обедини повеќе од 150 доктори и специјалисти по кардиологија. Овој уникатен собир претставува точка на средба на најеминентните имиња од светската и регионалната медицинска кардиолошка пракса кои ќе ја пренесат својата експертиза и ќе дискутираат за најновите трендови во дијагнозата и третманот на срцевите заболувања и срцевата слабост. Преку своето присуство, тие ја потврдуваат важноста на школата како едукативна и научна платформа што го става Скопје на мапата на центри на знаење во кардиологијата.

Организатор на школата е Македонското здружение по кардиологија во соработка со Асоцијацијата за срцева слабост (Heart Failure Association – HFA), како и со реномираните центри Zurich Heart House и London Heart House. Раководители на програмата на Регионалната школа за срцева слабост и клучни предавачи се доц. д-р Тања Анѓушева, член на Управниот одбор на Македонското здружение по кардиологија, проф. д-р Јорго Костов, претседател на Македонското здружение по кардиологија и еминентниот швајцарски професор Томас Ф. Лушер, директор за истражување, едукација и развој и консултант по кардиологија во „Ројал Бромптон и Харфилд Хоспитал Траст“ и „Империјал колеџ“ во Лондон и директор на Центарот за молекуларна кардиологија на Универзитетот во Цирих. Дополнително,предавачи од Велика Британија, Германија, Швајцарија, Италија, Турција, Холандија, Словенија, Шведска, Норвешка, Србија и Бугарија ќе го споделат своето знаење со македонските колеги, отворајќи нови перспективи за третман и истражување.

Едукативната компонента е срцето на овој настан. Настанот е осмислен не само како место за предавања, туку како вистинска академија за учење и размена на искуства. Преку интерактивни сесии, практични работилници и дискусии за теми како што се срцевата слабост како глобална епидемија, улогата на исхраната и физичката активност, поврзаноста на хипертензијата и срцевата слабост, дигиталната медицина и новите фармаколошки третмани, учесниците ќе имаат можност да ги унапредат своите знаења и да стекнат вештини со кои ќе придонесат за подобра грижа кон пациентите.

Регионалната школа за срцева слабост не е само медицинска конференција – таа е платформа што ја гради иднината на кардиологијата во Македонија и регионот. Преку собирот на 22 европски професори и повеќе од 150 локални и регионални специјалисти, Скопје станува симбол на соработка, знаење и посветеност кон здравјето.Овој настан ја отвора вратата за долгорочни партнерства и континуирана едукација, испраќајќи порака дека кардиологијата е наука која не познава граници и која својата сила ја црпи од заедничката работа и размената на искуства.

Поврзани теми:

Скопје|Кардиологија|доктори|школа|срце

Повеќе на оваа тема:

Најнови вести од: Македонија

Мицкоски: По жестоките и рафални критики кон Англија опозицијата сега ова го прави и кон САД! Очекувам набргу многу добри вести за граѓаните!

Ќе ве потсетам, не толку одамна, кога беа наметнати трговските тарифи од 35 проценти, истите тие опозициски перјаници, кои јас ги нареков талог на општеството во политиката, поитаа да го навредуваат нашиот стратешки партнер САД, а никаде ги немаше да се извинат кога се нивелира таа ставка на 15 проценти. Во оваа смисла јас би бил внимателен и трпелив и набргу очекувам многу добри вести за македонските граѓани – изјави премиерот Мицкоски.

Учениците се враќаат на настава на 20 јануари – надлежните со апел да нема отсуства

Министерката министерката за образование и наука апелира до родителите и до учениците да бидат редовни во училиштата и што е можно поретко да отсуствуваат, зашто, како што додаде, сите испитувања и во земјава и во светот покажуваат дека оние што редовно ја посетуваат наставата постигнуваат подобри резултати.

Важни вести за Македонија од Брисел: „Политико“ јавува за „планот за двостепена ЕУ“ и „отежнување на правото да се користи ветото“!

„ Новите предлози ќе понудат можност да се стане членка на ЕУ, но ќе се ограничат некои права за донесување одлуки – а можните членки се поделени. Земјите што чекаа со години да се приклучат кон ЕУ се поделени околу плановите, што се изготвуваат во Брисел, за да им се дозволи да станат членки без вообичаеното полноправно право на глас. Меѓу малкуте земји во Источна Европа и Западен Балкан, кои се во ред за пристапување кон блокот, се појавува поделба околу условите поврзани со нивните апликации. Некои инсистираат дека треба да ги добијат сите придобивки од блокот, додека други се среќни само што се на масата.“ – објави денес аналитичкиот магазин за европски прашања „Политико“ од Брисел. – извести денес угледниот „Политико“ од Брисел за моментните расправи, кои се водат во Брисел за планот за „двостепена ЕУ“, што може да има соодветно значење за евроинтеграцијата на Македонија.

Мицкоски: „Безбеден град“ почнува од 1 февруари – Во рамки на редовни средби со лидери на партии ќе се сретнам и со Ахмети

Премиерот Христијан Мицкоски информира дека вчера во Собранието се одржал состанок на ниво на координаторите на пратеничките групи на ВМРО-ДПМНЕ и ДУИ во врска со законот за прекршоци и оти некои работи, кои биле нејасни за ДУИ, биле разјаснети поради што очекува тој да биде донесен на следната собраниска седница и „Безбеден град“ да почне непречено да се применува од 1 февруари. Мицкоски не прецизира кога би имал средба со претседателот на ДУИ, Али Ахмети, како што беше најавено по лидерската средба во средата, туку само изјави дека одржува средби со лидерите на повеќе политички партии и оти во тие рамки би се одржала и средбата со Ахмети.

Дваесет лица под истрага, осомничени дека му нанеле штета од 4,8 милиони евра на буџетот!

Под раководство на јавен обвинител од Основното јавно обвинителство за гонење на организиран криминал и корупција (ОЈО ГОКК) истражителите од Истражниот центар при обвинителството, со асистенција на МВР, вчера до доцните вечерни часови вршеа претреси на 16 локации низ државата. При претресите се пронајдени и времено одземени фиктивна документација, парични средства, оружје и лажни печати од правни лица, а осомничените лица се обезбедени.

Колективна оставка на раководството на АА на „вртикапецот“ Таравари, кој сега вели: Немаме ништо заедничко со ДУИ и Ахмети!

Арбен Таравари лани за ДУИ имаше кажано дека се „рак за општеството“ и оти им треба ресетирање“.Алијанса за Албанците се подели на два дела, токму поради несогласувањата за соработка со ДУИ. Таравари го сметаше како „предавство“ чекорот на Зијадин Села да се здружи со ДУИ. Но во почетокот на мај во 2025 година Таравари поднесе оставка од позицијата министер за здравство и заедно со неговото крило во АА излезе од Владата и премина на страната на Али Ахмети и ДУИ и со нив започна соработка како опозиција, настапувајќи заенички на локалните избори со катастрофален резултат. Арбен Таравари во 2023 година имаше кажано дека „Али Ахмети има вистински здравствени проблеми и треба да отиде поскоро во пензија“, во 2025 година имаше неколкумесечни тајни преговарања со истиот Ахмети заради стапување во „опозициски брак“, а сега во оваа 2026 година пак „ја врти капата“ и изјавува категорично „немаме ништо заедничко со ДУИ, ништо, имаме своја стратегија“!
Сите вести од Македонија

Најнови вести

To top