Македонија

Мицкоски: ДУИ и Левица имаат таен договр во Струга

Тоа е договор којшто токму овде во Струга има за цел да нанесе директна штета на стружани

Ова се локални избори каде што се одлучува за местото на вашето живеење за патот по кој одите, за училиштето во кое учи вашето дете, внук, за тоа како живеете, за парковите по кои шетате, но ова не се само обични локални избори, туку ова се избори во кои што се испраќа силна порака за политичката волја овде во Струга, во преубавиот град на Дрим, рече во своето обраќање претседателот на ВМРО-ДПМНЕ, Христијан Мицкоски.

Во основа имаме два избори, едниот избор е изборот да одиме сите назад, дасе вратиме кон темното минато на криминалот, корупцијата, тендерите, распаднатата и одземена држава, а со другата опција, односно другиот пат е оној во кој што бирате чесни кадри, опција која го дава последниот атом сила да успееме и да се спротиставиме на трулиот систем кој што го наследивме, истакна Мицкоски.

Мицкоски потенцираше дека на оваа раскрсница ќе има многу искушенија и тајни договори.

Едниот од тие тајни договори, за којшто вчера зборував е оној којшто го има политичката партија ДУИ и Левица. Тоа е договор којшто токму овде во Струга има за цел да нанесе директна штета на стружани. На сите оние стружани коишто длабоко во себе чувствуваат немир, револт и се згрозени од она повеќедецениско владеење на ДУИ во Струга. Која е целта на тој таен договор и која е целта на оваа коалиција? Прво, да направи дисипација на анти ДУИ гласовите, да ги подели стружани, а како тоа ќе го направат? Со тоа што истакнаа кандидат којшто како велеа на изобрите во 2021 година – Ако сте кандидат за градоначалник тогаш логично е да си дадете оставка! Но видовме дека кандидатот на Левица не си даде оставка од собранието. Како можеме на човек којшто на почеток од кампањата не ја говори вистината да му веруваме дека има чесна намера, рече Мицкоски.

Мицкоски рече дека ваквите тврдења може со докази да ги поткрепи, дека тајниот договр со Левица има за цел да го оддржи ДУИ и во следните четири години.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

(Видео): Избрана трасата за експресниот пат Кочани-Виница-Делчево, камен-темелникот в година, рече премиерот

По јавната расправа е избрана една од двете разгледани варијанти и дека апликацијата за проектот е веќе поднесена пред меѓународните финансиски институции.

To top