Македонија

ВМРО-ДПМНЕ доби уште една општина, вториот кандидат се повлече од трката

Не сака дополнително да ја дели матичната партија

2 минути за читање

Владеачката партија ВМРО-ДПМНЕ доби уште една општина уште пред вториот круг локални избори откако вториот канидат во Македонски Брод се повлече од трката.

Независниот кандидат за градоначалник на Општина Македонски Брод, Милосим Војнески, објави дека се повлекува од изборната трка пред вториот круг од локалните избори.

Војнески во првиот круг освои 20,38 отсто од гласовите а својата одлука ја соопшти преку објава на Фејсбук.

Во објавата вели дека не сака да ја дели својата матична партија.

„По бројните разговори со вас, мои сограѓани, одлучив да ја повлечам својата кандидатура. Ги разбирам сите оние кои, поради различни причини, ги поделија своите гласови дури и во рамките на семејствата, и не би сакал дополнително да ги продлабочувам тие теми. ВМРО-ДПМНЕ е мојата матична партија — партија на која и го посветив поголемиот дел од својот живот, уште од времето на осамостојувањето па се до денес.

Сметам дека најдобрата одлука, во интерес на моите сограѓани, е да се повлечам од оваа изборна трка.“ напиша Војнески.

Во првиот изборен круг, кандидатот на ВМРО-ДПМНЕ, Жарко Ристески, освои најмногу гласови — 1.539, односно 44,49 отсто. Зад него беше токму независниот кандидат Милосим Војнески со 705 гласа или 20,38 проценти, додека третиот беше кандидатот на СДСМ, Ивица Стојкоски, со само три гласа помалку – 702 гласа.

Поврзани теми:

градоначалник|ВМРО-ДПМНЕ|топ

Повеќе на оваа тема:

Најнови вести од: Македонија

Само вчера фатени уште 11 лица, кои возеле без возачка дозвола! – Возилата им се одземени!

Некои воопшто немале дозволи, некои имале активна забрана на дозволите, а двајца од нив се малолетници, кои возеле без возачка дозвола. По целосно документирање на настаните, против лицата ќе бидат поднесени соодветни пријави.

Уште еден протестант се извини на „цела Влада“, на „цела Македонија“: Не знаев што зборувам од стрес, згрешив!

На протестите против проектот „Безбеден град“ неколку граѓани јавно упатуваа закани за физичко насилство и убиства. Сега тие еден по еден во последниве неколку дена во свои снимени видеа „се извинуваат на владата, на министрите, на државата и на целата јавност“. Тие „објаснуваат“ дека во тие моменти „се наоѓале во стрес, во афект, нервоза и страв“. А сега пре целата јавност „изразуваат каење за своите постапки“ и на сите „им упатуваат извинување“!

Мнозинството синдикални организации во УПОЗ го прифаќаат договорот со Владата на Македонија за зголемување на платите

За 95 проценти од досега изјаснетите синдикални организации на УПОЗ, прифатлив е договорот со Владата зголемување на платите за 40 проценти, информираат од УПОЗ.

Во пресрет на Милано Кортина 2026, “Самсунг Куќата“(Samsung House) официјално отворена во срцето на Милано

Во срцето на Милано, “Самсунг“ (Samsung), Светски Олимписки и Параолимписки Партнер, официјално отвори “Самсунг Куќа“ (“Samsung House”) во историската палата Сербелони (Palazzo Serbelloni)1 – нов центар за спортистите, медиумите и партнерите во текот на Зимските Олимписки и Параолимписки Игри Милано Кортина 2026.

Полицајци, наставничка и пожарникар осомничени за примање поткуп при издавање лични документи

Двајца полицајци, една професорка и еден пожарникар се под кривична истрага затоа што за пари овозможувале граѓаните побрзо да извадат пасош, лична карта и возачка дозвола. Полицаецот од Интервентна полиција го поттикнувал колегата, кој фотографирал и примал барања за лични документи да ги прими граѓаните преку ред, со што се создал паралелен неформален начин на вадење документи за кој примале одреден паричен надомест. Сите ќе се гонат кривично за злоупотреба на службена положба, примање поткуп и примање награда за противзаконито влијание.

Минчев: Заев и Филипче ја окупираа СДСМ и ја водат во политичка пропаст!

„СДСМ денес е окупирана партија од актуелното раководство, поточно од двоецот Заев – Филипче, кои се водат исклучиво од лични интереси. Сѐ додека ова раководство е на чело на партијата, СДСМ не оди кон обнова, туку кон политичка пропаст. СДСМ ќе оди во пропаст се додека не се расчисти со нив.“ – вели во интервју за неделникот „Фокус“, генералниот секретар на Движењето ЗНАМ – За наша Македонија, Горан Минчев. Тој нагласува дека „ваквата оценка ја изнесува со политичка одговорност и со жалење, имајќи ја предвид историската улога што СДСМ ја имал во државата“.
Сите вести од Македонија

Најнови вести

To top