Свет

„Релативно сме блиску до дипломатско решение“, тврди рускиот пратеник во Вашингтон

Специјалниот претставник на рускиот претседател за инвестиции и економска соработка, Кирил Дмитриев, изрази оптимизам за можноста за дипломатско решение за прекинување на војната во Украина, тврдејќи дека Русија, САД и Украина се блиску до договор.

Специјалниот претставник на рускиот претседател за инвестиции и економска соработка, Кирил Дмитриев, изрази оптимизам за можноста за дипломатско решение за прекинување на војната во Украина, тврдејќи дека Русија, САД и Украина се блиску до договор. По пристигнувањето во Вашингтон, Дмитриев во интервју за Си-Ен-Ен изјави дека втора средба меѓу претседателите Владимир Путин и Доналд Трамп не е откажана и може да се одржи на друг датум.

„Верувам дека Русија, САД и Украина се всушност доста блиску до дипломатско решение“, рече Дмитриев, без да даде конкретни детали. Тој го пофали украинскиот претседател Зеленски за признавањето на линиите на фронтот, велејќи: „Фактот што претседателот Зеленски сега признава дека ова се бојни линии е голем потег од негова страна. Знаете, неговиот претходен став беше дека Русија треба целосно да се повлече, па всушност мислам дека сме релативно блиску до дипломатско решение“.

Дмитриев пристигна во Вашингтон кратко време по воведувањето на американските санкции кон руските нафтени компании Росњефт и Лукоил, чија цел е притисок врз Москва за ставање крај на војната. Според него, санкциите ќе имаат контраефект: „Тие само ќе доведат до зголемување на цената на бензинот на американските бензински пумпи“.

Тој одби да открие со кои американски претставници ќе се сретне, но според „Аксиос“, Дмитриев ќе разговара со специјалниот пратеник на Белата куќа, Стив Виткоф, во текот на денот.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top