Бизнис

Намерно ја поскапувале храната – Казни од 50.000 евра за четири маркети оти договарале цени

Казни за четири фирми и ССК – се договориле да не прифаќаат нови или зголемени цени од добавувачите. Поради тоа, секое од трговските друштва е казнето со по 50.000 евра, додека висината на казната што се однесува за Сојузот на стопански комори кои биле главните координатори на целата акција е 18,585 илјади евра.

3 минути за читање

Глоба од 3.075.000 денари, односно 50.000 евра, му изрече Комисијата за заштита на конкуренцијата на секое од четирите трговски друштва со прехранбени производи што беа фатени како договарале цени. Казна од 1.143.000 денари (18.585 евра) заработи и Сојузот на стопански комори за незаконско однесување, односно поради тоа што ги координирал. Според КЗК, казнетите трговци и ССК го прекршиле Законот за заштита на конкуренцијата и изречените глоби треба да превенираат идни нарушувања на пазарот и заштита на потрошувачите и на пазарната конкуренција.

Ваквата одлука е донесена од страна на Комисијата за заштита на конкуренцијата во вкупен износ од 218 илјади евра кои треба да ја платат четирите страни за картелскодо однесување.

  • „Комисијата за одлучување по прекршок при Комисијата за заштита на конкуренцијата (КЗК) донесе решение со кое утврди дека четири трговски друштва, како и Сојузот на стопански комори на Македонија (ССК) како координатор, учествувале во забранет договор и/или усогласено однесување во смисла на член 59 од Законот за заштита на конкуренцијата“, се вели во соопштението од КЗК.

Комисијата за одлучување по прекршок, на претпријатието, односно здружението на претпријатија, со решение ќе му изрече глоба во износ до 10% од вредноста на вкупниот годишен приход остварен во последната деловна година, изразена во апсолутен и номинален износ за која претпријатието или здружението на претпријатија има составена годишна сметка ако: 1) склучи забранет договор или на друг начин учествува во договор, одлука или усогласено однесување со кои се нарушува конкуренцијата во смисла на  член 7 од овој закон;

Од Сојузот на стопански комори велат дека одлуката на Комисијата мора да се почитува.

  • Тоа е причината што имаше расчистување во Комората и поради кое сум јас нов претседател на ССК. Имаме многу поквалитетен Управен одбор и очекуваме да одиме во насока на додадена вредност и да се работи и во интерес на бизнисот и во интерес на државата – рече Ѓорѓиевски.

Заменик-министерот за економија, Марјан Ристески, неодамна изјави дека добил сознанија од КЗК, која го следи спроведување на Законот за нефер трговски практики, дека од своја страна изрекла 30 налози за глоба и дека тие постапки се пред Управниот суд.

  • Која ќе биде висината на глобите изречени за непочитување на овој Закон за нефер трговски практики, наскоро треба да очекуваме од Управниот суд да има конечни пресуди. Во овој период, има многу повеќе пријави од набавувачи, кои се многу поохрабрени отколку на почетокот, кога започна Законот за нефер трговски практики. Очекувам дека во иднина ќе имаме уште повеќе вакви пријави од набавувачи што се уценети од трговците – потенцира Ристески.

Во меѓувреме, од ресорното Министерство за економија и труд најавија повеќекратно зголемување на казната што сега е предвидена во Законот за нефер трговски практики  кој според дел од економските аналитичари како закон треба да биде стожер во нормализирањето на цените на подолг рок.

Поврзани теми:

артикли|топ|продавници|актуелно|картели|Македонија|Комори|извоз|ССК|бизнис|КЗК|храна|граѓани|поскапување|маркети|производи

Повеќе на оваа тема:

Најнови вести од: Бизнис

Буџетот за 2026 е развоен, секоја ставка е внимателно проектирана, смета министерката за финансии

преку мерките за фискална консолидација и поголема контрола на расходната страна, како што е предвидено со Буџетот за 2026 година, и продолжување на позитивните резултати во делот на БДП ќе имаме и намалување на јавниот долг. Како што појасни во наредната година ќе се обезбедат на домашен и меѓународен пазар средства за да се вратат обврски кои се создадени од претходната Влада, вклучително и Еврообврзницата издадена во 2020 година и други заеми и дека ново задолжување ќе биде она што е потребно за финансирање на буџетскиот дефицит. 

Раст на капиталните инвестиции од близу 50% – економија оди напред

Министерката за финансии оценува дека за 2025 година има висок износ на проектирани капитални расходи, но во исто време има и огромна реализација. Ако се прилагодаи методологијата за двете години да биде иста, тогаш годинава имаме реализација од 28 милијарди, или тоа е 47,4% повеќе, рече Димитриеска-Кочоска.

Објавен проспектот за третата Граѓанска обврзница со камата од 4,5%

Датумот на достасување на обврзниците е 19 декември 2027 година, а каматата за исплата достасува за првата година на 19 декември 2026 и за втората година на 19 декември 2027 година. Ова е трета емисија на Граѓанска обврзница којашто ја издава Министерството за финансии. Двете емисии беа во вкупен износ од 41,1 милион евра и веќе се исплатени заедно со каматата за двете години. Во првата емисија беа запишани обврзници во износ од 23,5 милиони евра, додека во втората 17,6 милиони евра, велат од Финансии.

Поевтини евро-плаќања од 9 декември – СЕПА влегува и во државната каса

По пристапувањето на нашата земја кон СЕПА, со што за граѓаните и за компаниите веќе се овозможени побрзи, побезбедни и поевтини плаќања во евра, Народната банка како банкар на државата им овозможува и на државните институции да ги користат придобивките од СЕПА. На овој начин, ќе се овозможат значителни заштеди за државата и за државните институции при извршувањето на прекуграничните плаќања во евра со четириесетте земји членки на СЕПА.

Нова граѓанска обврзница кон почетокот на декември

Граѓанската обврзница беше воведена како нов иновативен производ наменет за граѓаните, а со цел унапредување на пазарот на државни хартии од вредност. Министерството за финансии, имено, издаде 2 емисии на граѓански обврзници во вкупен износ од 41,1 милион евра. Втората граѓанска обврзница беше издадена на 7 ноември 2023 година во износ од 17,6 милиони евра, а таа доспева овој месец.

Народна банка ги засилува активностите за управување со климатските промени

Народна банка во континуитет придонесува за подобрување на расположливоста на податоците поврзани со климатските ризици, пришто од минатата година започна со објавувањето на Преглед на „зелени“ показатели. За да ја согледа подготвеноста на корпоративниот сектор за справување со климатските ризици, Народна банка заедно со Европската инвестициска банка спроведе истражување кое покажа дека само мал дел (5%) од компаниите имаат планови за справување со климатски ризици, а управувањето и зелените финансии се во рана фаза.

(Видео): Продолжува мерката за намален ДДВ за новоизградени станови

Министерката за финансии потенцира дека во моментот не постојат услови за примена на повисока стапка, особено имајќи предвид дека дел од граѓаните веќе имаат платено авансни средства додека објектите се во градба.
Сите вести од Бизнис

Најнови вести

To top