Во април 2026 година, каматните стапки во банкарскиот сектор забележале стабилно движење со мали месечни корекции, покажуваат податоците за банките и на штедилниците. Просечната каматна стапка на вкупните кредити останува непроменета и изнесува 4,70 %, додека на годишно ниво е пониска за 0,41 процентен поен. Каматните стапки на вкупните депозити бележат благ пад и се сведуваат на 2,16 %. Кај новоодобрените кредити во април е забележан раст, при што просечната каматна стапка се зголемува на 4,57 %, и на месечно и на годишно ниво. Истовремено, раст бележат и новопримените депозити, кои достигнуваат 2,43 %.
Во корпоративниот сектор, просечната каматна стапка на вкупните кредити се зголемува на 4,35 %, како резултат на повисоките стапки кај сите кредитни компоненти. Новоодобрените кредити за компаниите во април изнесуваат 4,50 % и бележат пораст и на месечно и на годишно ниво.
Каматните стапки на корпоративните депозити се намалуваат на месечно ниво, додека кај новопримените депозити се бележи раст, особено под влијание на денарските и девизните вложувања.
Кај домаќинствата, просечната каматна стапка на вкупните кредити се намалува на 5,06 %, при што падот е резултат на пониските стапки кај денарските кредити. Новоодобрените кредити за граѓаните, исто така, се намалуваат и изнесуваат 4,65 %. Во тој период, депозитите на домаќинствата забележале минимално намалување и се движеле на 2,10 %, додека кај новопримените депозити се забележува благ раст на месечно ниво.