Дали новата реклама на Браво Кафе е понижување за сите жени е прашање што се наметнува откако во рекламата една жена е прикажана како прима простачка наредба да свари кафе.
Во рекламата која е далеку од креативна а е снимена од продукцијата К15, Миле Паника влече една жена која е непозната за пошироката јавност.
Иако се работи за скеч кој покрај тоа што е реклама треба и да насмее видеото за многумина е потврда на родовите предрасуди и традиционалните машко женски односи во кои жената е таа што спроведува, во случајов вари кафе а мажот тој што дава наредби.
Фактот што жената во видеото е претставена како безгласен примател на наредби од мачо сопругот е навреда за сите жени и верувам дека по рекламата Браво кафе ќе загуби голем број на муштерии од женскиот пол како мене, вели македонска интелектуалка која досега била редовен консумент на Браво Кафе.
Рекламата на К15 за Браво кафе дополително преку коментари на корисници на видеото открива дека фирмата ги лаже своите консументи за наградната игра.
