Македонија

Се враќа на пругите некогаш отпишаниот „Шпанец“, целосно обновен и тестиран, со аларм и видеонадѕор! (Видео)

Со обновувањето на легендарниот „Шпанец“ и неговото враќање во употреба на македонските пруги Македонски железници најавуваат преродба на железничкиот превоз во Македонија – со нагласка на зачувување на традицијата, но и осовременување на постојните возни средства.

1 минута за читање

Денеска бил тестиран целосно обновениот и осовременет воз, попознат од минатите децении како „Шпанецот“. Оваа вест преку фејсбук ја објави Игор Коруновски, директорот на Македонски железници – Транспорт.

Во објавата на општествената мрежа тој напиша: „Денес го тестиравме целосно обновениот и модернизиран воз со нов дизајн, телевизори, озвучување, алармни системи и видео надзор. Подготовките за поудобно и побезбедно патување се во полн ек. Следуваат уште новости – останете со нас“, напиша Коруновски.

Легендарниот воз „Шпанец“ со години беше заборавен и речиси отпишан. Тој беше еден од најпознатите возови на поранешните Југословенски железници, препознатлив по својата удобност и карактеристичен изглед. Неговото враќање предизвикува носталгија и одушевување кај љубителите на железницата, но и кај сите, што се сеќаваат на неговите патувања низ Македонија.

Видео

 

Поврзани теми:

топ|актуелно|воз „Шпанец“

Најнови вести од: Македонија

Професорот по Римско право не знае да чита анкети – Реакција на МКД.мк и Маркет Вижн за лидерот на Левица

Господинот би требало да знае дека на избори не излегуваат оние што рекле нема да гласаат, а кога се проектираат изборни резултати од анкета се отстрануваат и оние кои се изјасниле дека нема да гласаат за ниту една партија, стои во реакцијата

Нема да има застои во постапките против полицајците за пожарот во Кочани, уверува обвинителката Андонова

Судењето против 13 полициски службеници, кои се товарат за тешки дела против општата сигурност, поврзани со пожарот во кочанската дискотека „Пулс“, се одложи

Дали навистина поскапел лебот и зеленчукот во повеќе градови од Македонија?!

Откако горивата имаат повисока цена, следн на удар е лебот. Пекарниците во Прилеп и Битола ја зголемуваат цената на белиот леб од 450 грама – од 35 на 40 денари. Најави има и во дел од пекарите во источниот дел на земјата, односно во Штип и Кочани. Во Скопје, пак, веќе неколку дена се забележува поскапување на бурекот, симитот и други пецива, за околу пет денари.

Стојанче ја газел Ивана со нозете по стомакот, сведочеше сведокот Саздов

Стојанче ја газел со нозете по стомакот, сведочеше Мартин Саздов, зборувајќи за повредите на Ивана, модринките и слично,на денешното рочиште во Кривичниот суд во Скопје на судењето на Стојанче Јовановски за смртта на неговите сопруга и ќерка, Ивана и Катја.
Сите вести од Македонија

Најнови вести

To top