Потпретседателот и портпарол на ДУИ, Арбр Адеми на прес-конференција по локалните избори најави дека на Конгресот ќе се реорганизираат и ќе ги обноват структурите.
Али Ахмети ќе бидe реаизбран, ветераните ќе си одат дома, а првиот интегративец ќе направи сериозен рез во раководството Високи партиски извори во ДУИ сметаат дека е сигурно дека лидерот Али Ахмети ќе биде реизбран, но дека ќе има и сериозен рез во раководството на партијата по изборниот пораз на локланите избори.
„Време е да се направи вистинска чистка и да се затворат поглавја кои ја поврзуваат ДУИ со минатото. На конгресот ќе биде усвоена и резолуција за стратешките цели на ДУИ, членството во НАТО, интеграцијата во ЕУ, почитување на рамковниот договор , економската благостостојба на граѓаните , како и зелената агенда“, вели висок партиски функционер за ТВ24.
Клучна реформа на Ахмети е да ги пензионира поранешните комнадатнти, односно тие да се преселат во советодавно тело, а Ахемти новите функционери ќе ги избере од млади луѓе , кои немаат ниту партиски багаж.
По седницата на Советот на ДУИ што се одржа минатиот месец партијата најави дека конгресот ќе биде значаен момент за дефинирање на понатамошниот политички, организациски и програмски правец.
„Конгресот претставува клучен процес за политичката визија, зајакнувањето на внатрепартиските демократски механизми и подготовката на структурите за новите предизвици“, соопшти ДУИ.