Македонија

Бејта: Тендер за бекатон плочки – 10 пати повисока цена од реалната

Кандидатот за градоначалник на Гостивар од коалицијата ВРЕДИ, Невзат Бејта, на прес-конференција одржана денеска го обвини претходното општинско раководство за злоупотреба на 450 илјади евра во јавни набавки.

2 минути за читање

Кандидатот за градоначалник на Гостивар од коалицијата ВРЕДИ, Невзат Бејта, на прес-конференција одржана денеска го обвини претходното општинско раководство за злоупотреба на 450 илјади евра во јавни набавки.

Според Бејта, тендерот за поплочување со бекатон плочки, вреден 500 илјади евра, реално чинел не повеќе од 50 илјади евра. Дополнително, компанијата што ги изведувала работите не е од Гостивар.

„Ваквото наддавање на цените била вообичаена практика во изминатите осум години. Поплочување со бекатон плочки во мое време чинеше 13 евра за метар квадратен, сега со зголемувањето на пазарните цени чини 15 евра. Овие граделе по цена за квадратен метар од 450-500 евра. Според моите информации, работа која е вредна приближно 50 илјади евра, ја наплатиле 450 илјади евра“ – рече Бејта.

Тој ги критикуваше сопартијците на актуелниот градоначалник Арбен Таравари дека во осумгодишното раководење го осиромашиле буџетот на Гостивар, уништиле инфраструктура, чистота, култура, спорт и образование.

„Во овие осум години тој го уништи и го осиромаши буџетот на Гостивар. Ја уништи инфраструктурата и имаме улици и патишта полни со дупки. Чистотата во градот на најниско можно ниво. Ги уништија културата, спортот и образованието“ – истакна Бејта на претходната конвенција.

Како приоритетни проекти во евентуален нов мандат, Бејта најави изградба на мост со четири ленти и проширување на булеварот „Браќа Ѓиноски“ од крстосницата со „Дебарска улица“ до Основниот суд.

Обвинувањата на Бејта доаѓаат во контекст на внатрепартиски тензии во албанскиот политички блок во Гостивар, по разделбата меѓу ВРЕДИ и Алијансата за Албанците.

Поврзани теми:

Невзат Бејта|злоуотреба|топ|гостивар|кандидат за градоначалник

Повеќе на оваа тема:

Најнови вести од: Македонија

Петрушевски: СДС одработува за интересите на Бугарија, мислејќи дека така ќе дојдат на власт! Се соочуваме со странско мешање во внатрешните работи на Македонија!

Бране Петрушевски, пратеник во Собранието од редовите на ВМРО-ДПМНЕ, вечерва гостуваше во емисијата „Само Вистина“ на Канал 5 телевизија, при што се осврна на односите на Република Македонија со источниот сосед Бугарија како и случувањата поврзани со јавно споделената дипломатска нота во која беа содржани информации за патувањето на членовите на најтесниот круг на семејството на премиерот Мицкоски, кое како што рече Петрушевски претставува невиден скандал во дипломатските односи и прекршување на истите.

Најава дека „тетовчани в петок ќе се кренат против одлуката на Уставниот суд за промената на имињата на улиците во Тетово“!

„Тетовчани ќе се кренат во петок! Плоштадот Илирија нема да стане ‘Маршал Тито’, колку и да сонува некој за такво нешто.“ – објави на својот фејсбук-профил Рами Мислими, новинар, политички аналитичар и сопственик на албанскиот информативен портал на албански јазик „Тетова сот“ од Тетово. Неговата објава под наслов „Имињата на улици во Тетово: тетовчани ќе се кренат в петок против Билал Касами“ ја пренесоа овој портал и други медиуми на албански јазик во Македонија.

Екстрадиран Саит Саитов кој во јануари избега во Србија откако прегази жена во Капиштец

Деветнаесетгодишниот Саит Саитов од Скопје, кој беше баран со меѓународна потерница распишана од МВР на 12 јануари, денеска е екстрадиран од Србија во нашата земја, информира Министерството за внатрешни работи. МВР објави дека на Саитов му е определена мерка притвор и дека е предаден во затворот „Скопје“ за понатамошна постапка

(Видео): Македонија со своја „фабрика“ за производство на алатки за вештачка интелигенција

Македонските стартапи, мали и средни претпријатија, студентите и истражувачите наскоро ќе можат да развиваат сопствени решенија со вештачка интелигенција без да инвестираат во скапа инфраструктура. Тоа треба да го овозможи „Везилка“ – првата национална фабрика за вештачка интелигенција, која ќе ги поврзе домашните компании и академската заедница со европските суперкомпјутери и дигитални ресурси.

Тошковски: Интерпелацијата од Левица е обид за блокирање на борбата против криминалот!

Министерот за внатрешни работи Панче Тошковски ја оцени интерпелацијата поднесена од Левица како политички мотивиран обид за попречување на процесите за борба против криминалот и корупцијата. Интерпелацијата е на дневен ред на денешната собраниска седница, пренесе МИА. Во објава на социјалните мрежи, Тошковски посочи дека станува збор за трета интерпелација против него за помалку од две години и оцени дека зад иницијативата стојат политички, а не суштински мотиви. -Левица ја најави третата интерпелација против мене за помалку од две години. Како и претходните две, и оваа беше претставена преку режирана прес-конференција, повеќе како политички настап отколку како иницијатива заснована на аргументи – наведе Тошковски.
Сите вести од Македонија

Најнови вести

To top