Низ Република Македонија денеска ќе преовладува променливо облачно време со врнежи од дожд, кои локално ќе бидат пообилни (над 25 л/м²), особено попладне и во текот на ноќта. На планините врнежите ќе бидат од снег. Ќе дува засилен ветер од јужен правец со брзина над 60 км/ч.
Минималните температури ќе се движат од 7 до 12 степени, а максималните ќе достигнат од 10 до 17 степени Целзиусови.
Во Скопје времето ќе биде променливо облачно со повремен дожд, особено кон крајот на денот и во текот на ноќта. Ќе дува умерен јужен ветер. Минималната температура ќе биде околу 8 степени, а максималната до 14 степени.
Под влијание на циклонска активност, во наредните денови времето ќе остане променливо облачно со повремени врнежи од дожд, а на планините од снег. Поради продор на постуден воздух и засилен северен ветер, во четврток врнежите ќе преминуваат во снег на повисоките места и во некои пониски котлини. На планините во западните делови се очекува формирање на нова снежна покривка, а помала покривка е можна и во пониските места.
Во петок ќе има преодно стабилизирање на времето, додека во деновите од викендот – особено во сабота – повторно се очекуваат локални врнежи од дожд и снег, на места пообилни. Температурите ќе бидат во опаѓање.