Бизнис

Македонија водечка земја во регионот според растот на инвестициите

До компаниите досега стигнаа околу 225 милиони од вкупно 250-те милиони евра од унгарскиот кредит, кој би требало сосема да се исцрпи во првото годинешно тримесечје, изјави премиерот Христијан Мицкоски, задоволен од начинот на кој средствата се искористени.

2 минути за читање

Владата е задоволна од искористеноста на средствата од унгарскиот кредит наменет за поддршка на домашните компании, смета премиерот Христијан Мицкоски. Од предвидените 250 милиони евра, досега, преку Развојната банка, на компаниите им се префрлени околу 225 милиони евра.

  • Тоа е кредит што условно го субвенционира Владата, со каматна стапка од 1,95 проценти, три години грејс-период и рок на отплата до 15 години. Очекувам уште во првиот квартал од оваа година целосно да биде исцрпен, заедно со сопствените средства што ги вложуваат банките во развојните проекти на компаниите, како поддршка на стопанството и на економијата – рече Мицкоски.

Премиерот нагласи дека Македонија е водечка во регионот во делот на инвестициите, со раст што достигнува двоцифрен број проценти.

  • Ако се има предвид дека растот во првата половина од 2025 година, па и во целата 2025 година, е двоцифрен број проценти, споредено со тој период во рамките на еврозоната, кој е два-два и пол проценти, јас сум навистина задоволен од начинот на кој се искористени овие средства – додаде Мицкоски.

Тој истакна дека Владата ќе продолжи да го поддржува развојот на домашните компании и проекти што одговараат на потребите на граѓаните, со цел унапредување на економскиот раст и подобрување на условите за инвестирање во земјава.

Поврзани теми:

инвестиции|топ|Македонија|влада|регион|бизнис|евра|компании

Повеќе на оваа тема:

Најнови вести од: Бизнис

Фирмите и инфлуенсерите ќе треба да добијат дозвола за giveaway игрите

Законот ги дефинира и поимите „лајкување” и „тагнување” како влог за учество во овие игри на среќа. Лајкувањето претставува покажување интерес или позитивна реакција кон одредена содржина, додека тагнувањето претставува означување лице, фотографија или видео, кога таквата активност е услов за учество во играта.

Од држава со една влезна точка за природен гас, стануваме држава со извори на снабдување, вели директорот на НОМАГАС

НОМАГАС, како оператор на националниот гасопреносен систем, има важна улога во енергетската транзиција преку развој на сигурна и модерна инфраструктура која денес обезбедува пристап до природен гас, а во иднина може да претставува основа и за интеграција на нискојаглеродни гасови, вклучително и водород, во согласност со технолошкиот развој и европските енергетски политики.

„Тиквеш“ го унапредува одржливото лозарство преку партнерство со лозарите, знаење и иновации

Во рамки на долгорочната платформа за стратешката соработка со лозарите, Винарската визба „Тиквеш“ ја одржа традиционалната годишна средба со своите кооперанти, која годинава беше посветена на развојот на одржливото лозарство и примената на современи технологии и практики што овозможуваат производство на поквалитетно грозје, поефикасно користење на природните ресурси, заштита на животната средина и на биодиверзитетот и поголема отпорност на лозовите насади на климатските промени.

Николоски: Со железничката обиколница Македонија ќе биде поатрактивна за карго сообраќај

Тоа е добро и за Гевгелија затоа што Коридорот 10 поминува токму тука низ градов и уште еден проект кој заеднички го сработивме, многу ќе помогне и за Гевгелија, тоа е дека воведовме „ONE STOP SHOP“ на железничката граница помеѓу Македонија и Грција

Економисти: Пад на цените во јуни и годишната инфлација од 3,4%, позитивниот тренд се очекува да продолжи

Последниот месец притисокот повеќе не e кај храната, туку и кај транспортот, тутунот, горивата и дел од услугите. Бидејќи сме мала и отворена економија, секој надворешен шок – нафта, енергија, конфликти или нарушени синџири на снабдување, брзо може да се пренесе врз домашните цени. Затоа треба смиреност, но и внимателна економска политика дома, вели експертската фела.
Сите вести од Бизнис

Најнови вести

To top