Бизнис

Голем економски пресврт во Кавадарци – поранешниот гигант „ФЕНИ“ се рестартира, сите работници се враќаат во погонот

По години застој, кавадаречкиот комбинат за фероникел повторно ќе почне со работа. Градоначалникот на Кавадарци, Митко Јанчев најави рестарт на поранешно „Фени“, сега под името „Golden Eagle“. Работниците ќе се враќаат постепено, а производството треба да стартува веќе напролет. Иако тусрскиот гигант Јулдирим кој пред две години ја купи фабриката, пред нова година се откажа од неа и ја изгаси печката, набрзо се случи пресврт.

1 минута за читање

Гигантот од Кавадарци, „Golden Eagle“ (поранешно ФЕНИ), повторно ги отвора вратите за работниците. Како што соопшти градоначалникот на Кавадарци, Митко Јанчев, рестартирањето на фабриката ќе се одвива во две фази, со што се решава егзистенцијата на стотици семејства во регионот.

Според планот, во првата фаза на работа ќе се вратат 170 работници, додека во втората фаза ќе бидат вклучени дополнителни 500 лица.

„Во април е планиран почетокот на производството на никел, при што производствените печки ќе бидат ставени во функција. Оваа фабрика повторно се активира за доброто на граѓаните и локалниот економски развој“, истакна Јанчев.

Градоначалникот упати благодарност за успешната соработка со Владата, премиерот Мицкоски, Комерцијална банка и раководството на компанијата, што овозможи надминување на пречките за повторно вклучување на печките.

Македонската фабрика западна во сериозна криза откако пред повеќе од три години, дотогашниот сопственик Џи Сол ненајавено ја напушти, оставајќи ги работниците без плати и без јасна перспектива. Новиот сопственик најави дека фабриката ќе продолжи да работи под името „Голден игл никел“, со план за целосен рестарт и враќање на сите вработени.

Поврзани теми:

Кавадарци|стопанство|ФЕНИ|актуелно|Македонија|работници|бизнис

Повеќе на оваа тема:

Најнови вести од: Бизнис

Фирмите и инфлуенсерите ќе треба да добијат дозвола за giveaway игрите

Законот ги дефинира и поимите „лајкување” и „тагнување” како влог за учество во овие игри на среќа. Лајкувањето претставува покажување интерес или позитивна реакција кон одредена содржина, додека тагнувањето претставува означување лице, фотографија или видео, кога таквата активност е услов за учество во играта.

Од држава со една влезна точка за природен гас, стануваме држава со извори на снабдување, вели директорот на НОМАГАС

НОМАГАС, како оператор на националниот гасопреносен систем, има важна улога во енергетската транзиција преку развој на сигурна и модерна инфраструктура која денес обезбедува пристап до природен гас, а во иднина може да претставува основа и за интеграција на нискојаглеродни гасови, вклучително и водород, во согласност со технолошкиот развој и европските енергетски политики.

„Тиквеш“ го унапредува одржливото лозарство преку партнерство со лозарите, знаење и иновации

Во рамки на долгорочната платформа за стратешката соработка со лозарите, Винарската визба „Тиквеш“ ја одржа традиционалната годишна средба со своите кооперанти, која годинава беше посветена на развојот на одржливото лозарство и примената на современи технологии и практики што овозможуваат производство на поквалитетно грозје, поефикасно користење на природните ресурси, заштита на животната средина и на биодиверзитетот и поголема отпорност на лозовите насади на климатските промени.

Николоски: Со железничката обиколница Македонија ќе биде поатрактивна за карго сообраќај

Тоа е добро и за Гевгелија затоа што Коридорот 10 поминува токму тука низ градов и уште еден проект кој заеднички го сработивме, многу ќе помогне и за Гевгелија, тоа е дека воведовме „ONE STOP SHOP“ на железничката граница помеѓу Македонија и Грција

Економисти: Пад на цените во јуни и годишната инфлација од 3,4%, позитивниот тренд се очекува да продолжи

Последниот месец притисокот повеќе не e кај храната, туку и кај транспортот, тутунот, горивата и дел од услугите. Бидејќи сме мала и отворена економија, секој надворешен шок – нафта, енергија, конфликти или нарушени синџири на снабдување, брзо може да се пренесе врз домашните цени. Затоа треба смиреност, но и внимателна економска политика дома, вели експертската фела.
Сите вести од Бизнис

Најнови вести

To top