Македонија

Ристовска вели дека работењето во ДКСК го извршувала законито, совесно и со најдобра намера

По недели јавни полемики и сомнежи изнесени во врска со мојата работа, донесов одлука да поднесам неотповиклива оставка од функцијата член на Државната комисија за спречување на корупцијата“, образложи Ристовска во оставката

2 минути за читање

Цвета Ристовска, член на Државната комисија за спречување на корупцијатаденеска до претседателот на Собранието Африм Гаши поднесе оставка од функцијата.

„Согласно член 14 став 1 алинеа 1 од Законот за спречување на корупцијата и судирот на интереси, јас Цвета Ристовска поднесувам оставка од функцијата член на Државната комисија за спречување на корупцијата. По недели јавни полемики и сомнежи изнесени во врска со мојата работа, донесов одлука да поднесам неотповиклива оставка од функцијата член на Државната комисија за спречување на корупцијата“, образложи Ристовска во оставката.

Вели дека во текот на целата нејзина професионална кариера, додава таа, вклучително и работењето во Комисијата, својата работа ја извршувала законито, совесно и со најдобра намера.

„Жалам доколку одредени околности, вклучително и можни административни пропусти, доведоа до неосновани сомнежи во јавноста. Во сите ситуации во моето работење во Комисијата во кои постоеше можност за потенцијален судир на интереси барав изземање, согласно законот. Никогаш немав намера да прикријам информација, напротив ги почитував законските обврски. Убедена сум дека секој што извршува јавна функција, мора да покаже највисок степен на личен и професионален интегритет. На Државната комисија за спречување на корупцијата ѝ посакувам успешен и професионален придонес во служба на јавниот интерес“, пишува Ристовска во оставката до Гаши.

Антикорупциската комисија деновиве отвори два предмети за Ристовска – за проверка на судир на интереси и за непријавување имот. Во првиот случај се работи за тоа дека фирма на еден од синовите на Ристовска добивала пари во кампања за претседателските избори во 2024 година. Вториот предмет е поради тоа што во нејзиниот анкетен лист таа не пријавила дека двајцата синови имаат маркетинг фирми.

Поврзани теми:

Антикорупциска|Цвета Ристовска|топ|оставка|ДКСК

Повеќе на оваа тема:

Најнови вести од: Македонија

Ѓорѓиевски: Голем инфраструктурен проект во Чаир – се реконструира „Лазар Трповски“, до крајот на 2026 и фреквентниот булевар „Цветан Димов“!

Денес заедно со градоначалникот на општина Чаир Изет Меџити го означивме почетокот на реконструкцијата на една од клучните сообраќајни артерии во овој дел од градот, улицата „Лазар Трповски“. Проектот е клучен, бидејќи значи поголема безбедност, ред и ново достоинство за граѓаните. Станува збор за целосна реконструкција со нов асфалт на двете коловозни ленти, изградба на стандардизирани тротоари, велосипедски патеки од двете страни, уредени паркинг-простори и современ систем за јавно осветлување. Ова е современо сообраќајно решение, кое ја става безбедноста на прво место – и на возачите, на пешаците, и на велосипедистите. – објави на својот фејсбук-профил градоначалникот на Скопје Орце Ѓорѓиевски

Македонски „административни куриозитети“: Отишла да го регистрира бебето, но ја воделе во евиденција како „почината“ речиси 20 години!

Тројца вработени во Центарот за социјални работи Тетово во СВР Тетово вчера пријавиле сомневање за сторено кривично дело „фалсификување исправа“.

Во пресрет на празникот „Св. Трифун“, заштитникот на лозарите, исплатени им се 7, 8 милиони евра на 12.458 корисници!

Соопштувајќи преку фејсбук за најновата исплата на 7 милиони и 823 илјади евра на лозари, Министерството за земјоделство, шумарство и водостопанство во објавата истакнува: Парите се исплатени според мерка 1.8 „Директни плаќања по обработлива земјоделска површина за одржување постојни лозови насади“.

Мисијата на Бугаринот Петар Драганов за афирмација на Македонците и македонскиот јазик од пред еден и пол век

„Литературата на македонското наречје, колку и да е мала, во секој случај е факт. Зарем јас ги измислив јазикот и тенденциите на Пулевски, Шапкарев, А. Ресенецот, Партеније Дебарски?“ – напишал уште пред еден и пол век во своите дела Бугаринот Петар Данилович Драганов, основоположникот на македонистиката во Русија, сомисленик и еден од учителите на Крсте Мисирков и Димитрија Чуповски. Од 1885 до 1887 година во Солун ги проучувал дијалектите на учениците-Македонци од територијата на цела етничка Македонија, кои во тоа време се школувале во Солун.  Пред да дојде во Солун Драганов мислел дека Македонците се Бугари, затоа што така го учела бугарската пропаганда. Но, откако ги проучил македонските дијалекти, заклучил со аргументи дека Македонците не се ниту Бугари, ниту Срби, туку посебен и самостоен народ во Балканот. Денешната 169-годишнина од раѓањето на овој исклучително значаен бугарски и руски македонист е повод за потсетување на неговиот живот и научна дејност, која ги фрла во вода уште од пред еден и пол век сите денешни и тогашни бугарски негирања и фалсификати за непостоењето на македонскиот народ и јазик. Ова го објави весникот „Нова Македонија“ во своја статија со наслов „Бугарската пропаганда разбиена со научни аргументи за македонските дијалекти“.

Мицкоски и раководството на германскиот гигант „Шварц груп“ разговарале за инвестиции и отворање нови работни места

Премиерот Христијан Мицкоски денеска во рамките на 62. Минхенска безбедносна конференција оствари работна средба со раководството на германскиот гигант „Шварц груп“, под чија капа работат светски познатите брендови „Лидл“ и „Кауфланд“. Како што информира премиерот на фејсбук, разговарале за нивните планови за инвестиции, отворање нови работни места и модернизација на трговскиот сектор во нашата земја.

Лефков: Кога беше Заев премиер имавме министерство, кое наместо да ги лекува граѓаните, се грижело во Македонија да се одгледува марихуана!

„Уште колку пари му требаат на Заев, уште 100 илјади, двесте илјади денари, за да можат јавноста и Македонија да ја дознаат вистината? Не може да бидете премиер и да имате министерство за здравство, кое наместо да се грижи за здравјето на луѓето, да имате ситуација, во која луѓето се лекуваат со физиолошки раствор, а притоа истовремено да имате дадено повеќе од 70 лиценци за одгледување марихуана. Значи, сте имале министерство, кое наместо да ги лечи граѓаните, се грижело во Македонија да се одгледува марихуана. И тоа се факти. На кого ќе му поднесете тужба за ова и која е цената која ќе ја побарате? 100, 200, 5.000 евра ќе побарате ли? Катастрофално е да барате вакви работи и исто такви се оние, кои што ги советуваат на ова.“ – изјави пратеникот Миле Лефков во „Наткаст“ на порталот „Курир.мк’.
Сите вести од Македонија

Најнови вести

To top