Одговарајќи на пратенички прашање од пратеничката Јована Тренчевска од СДСМ, заменик-министерот рече дека оваа мерка не ја засега само нашата земја, туку сите земји кандидати од Западен Балкан.
– Заедно со нашите партнери од Западен Балкан се организиравме како влади подолг период во Брисел да вршиме притисок да дојде до промена на овие мерки и конечно на 11 февруари дојде до формирање на таа група и изнесени се 50-тина мерки, но сеуште нема разбирање од земјите членки во овој контекст, но тоа не значи дека работата е завршена, рече Димитриевски.
Димитриевски укажа дека овие мерки не ги засегаат само државите кандидати, туку и земјите членки од кои некои, како што рече, реагирале на овие мерки.