Министерот за здравство Азир Алиу најави одземање на лиценците на најмалку шест од десетте фирми за производство на канабис за медицински цели опфатени со контролите по заплената на марихуана во Србија влезена од Македонија.
„Од досега процесираните компании, од 10 најмалку 6 сега се во постапка на одземање на лиценците, затоа што не ги исполнуваат условите за лиценцирање предвидени во законот“, објасни Алиу за ТВ Телма.
Тој одби да ги наведе имињата на компаниите до завршувањето на постапката во вторник, кога и официјално ќе ѝ ги соопшти на јавноста, заедно со причините поради кои не ги исполнуваат условите според Комисијата на Министерството за здравство.