Бизнис

Ќе плаќаат ли данок македонските инфлуенсери?!

На инфлуенсерите, јутјуберите, влогерите и креаторите на содржини односно физичките лица кои се даватели на аудиовизуелни медиумски услуги по барање им тече рокот за регистрирање во АВМУ, обврска од новата законска регулатива. Покрај ова, независно дали соработуваат со домашни или странски фирми и висината на приходот што го остваруваат треба да поднесат даночна пријава за персонален данок и за ДДВ доколку нивниот приход надминал 2 милиони денари во годината.

Според новата медиумска регулатива, инфлуенсерите, јутјуберите, влогерите и креаторите на содржини односно физичките лица кои се даватели на аудиовизуелни медиумски услуги по барање ќе треба до 15 март да се пријават во АВМУ за да влезат во регистарот по што им течат обврските за плаќање на надоместок кој се пресметува на  остварениот приход во претходната година.

Законските правила за регистрација ги опфаќаат сите кои постираат на Инстаграм, ТикТок, Јутјуб и на слични видео-платформи, имаат повеќе од 10.000 следбеници или претплатници, објавиле најмалку 24 видеа во годината и заработуваат од тоа.

Според новата регулатива, сите кои влегуваат во оваа категорија ќе мора јасно да ги означуваат постовите, видеата, риловите или стримовите на социјалните мрежи кога им се платени реклами или спонзорства. По регистрацијата, АВМУ ќе спроведува надзор за почитување на правилникот, а инфлуенсерите ќе плаќаат надоместок од 0,5% од својот годишен приход од претходната година. Овој извештај мора да се достави до 15 март, а плаќањето до 15 април.

Пресметките се дека за 100.000 евра годишен приход, инфлуенсерите ќе треба да платат 500 евра надоместок за АВМУ. Тие кои нема да се регистрираат ќе плаќаат казни кои се движат меѓу 250 и 500 евра. Иако тече рокот кој го постави Агенцијата досега, на објавениот регистар на АВМУ можат да се видат само 7 регистрирани лица.

Министерот за дигитална трансформација, Стефан Андоновски, одржа работна средба со директорот и претставници на Агенцијата за аудио и аудиовизуелни медиумски услуги и со претставници на инфлуенсерите и креаторите на дигитални содржини, со цел отворање дијалог околу состојбите со регулирањето на работењето во овој сектор, а во врска со Законот за аудио и аудиовизуелни медиумски услуги.

На средбата беше нагласено дека Министерството внимателно ги следи реакциите и ставовите на дигиталните креатори и дека процесот на креирање политики во оваа област ќе се води преку транспарентни консултации со сите засегнати страни. Целта е да се обезбеди современа и балансирана регулатива која ќе го поддржи развојот на дигиталната економија и креативните индустрии, притоа почитувајќи ја во целост регулативата на ЕУ по ова прашање.

Учесниците се согласија дека е потребен отворен и инклузивен процес во кој инфлуенсерите, институциите и регулаторот заеднички ќе работат на унапредување на регулативата и создавање јасна правна рамка за дигиталните содржини. Во наредниот период ќе продолжат консултациите за разгледување на предлозите и забелешките на здруженијата на креатори на содржини и другите заинтересирани страни.

Министерството за дигитална трансформација останува посветено на создавање дигитален екосистем кој поттикнува иновации, одговорност и доверба во онлајн просторот.

Најнови вести од: Бизнис

Европската бизнис-асоцијација ги поврза студентите со бизнис-приказните – Глобална недела на претприемништвото

Студенти од економските факултети при УКИМ, УГД и ЈИЕУ имаа можност да разговараат со претставници на компании од различни сектори за препознавањето на потребите на пазарот, започнувањето сопствен бизнис и вештините потребни за негов развој.

(Фото): Николоски во Виена повика на регионална соработка и поврзување

Зборувајќи на панел дискусијата “Заедничка визија за долгорочна економска соработка” вицепремиерот Николоски потенцира дека е потребен заеднички пристап на земјите од регионот за претставување на глобалниот пазар.

„Со свои раце, создадено со љубов“: 17. издание на Фестивалот на младо вино на „Тиквеш“ ги обедини луѓето и винската традиција

Фестивалот е и многу повеќе од прослава на младото вино, тој е прослава на луѓето, заедништвото, љубовта и вербата во иднината. Токму тие вредности се во сржта на филозофијата на „Тиквеш“, компанија која ја надградува својата богата традиција со знаење, иновации и современи пристапи, останувајќи посветена на создавањето вина и искуства што ги поврзуваат луѓето.

To top