Премиерот Христијан Мицкоски се осврна на потенцијалот на антимонот како критичен и редок минерал, нагласувајќи дека неговата експлоатација би можела да има економско и стратешко значење за земјата.
„Антимон е критичен и редок минерал, најчесто користен во воената индустрија. Секако, постојат и некои други примени, но генерално, кога зборуваме за антимон, зборуваме за воената индустрија“, наведува Мицкоски во фејсбук објавата.
Според премиерот, реализацијата на проектот би можела да придонесе за зголемување на економското значење на земјата и подобрување на стандардот на граѓаните.
„И во тој поглед, мислам дека со завршувањето на овој проект ќе можеме да ја зголемиме важноста на мојата земја и истовремено да го зголемиме богатството на граѓаните и економскиот стандард“, пишува Мицкоски.
Тој се повикува и на првичните извештаи за резервите, според кои, како што наведува, тие би можеле да бидат значително поголеми од збирните резерви на двете водечки земји во светот во производството на антимон.
„Бидејќи, како што реков, според првите извештаи, резервите се многу поголеми од збирните резерви на денешните прв и втор продавач во светот“, наведе премиерот.