За прв пат во историјата на Големата петорка, жена стана главен тренер на машка екипа од највисокото ниво. Револуционерна промена се случи во германскиот бундеслигашки клуб Унион Берлин.
По вчерашниот пораз од 3:1 на гостински терен кај Хајденхајм, раководството на Унион Берлин донесе брза одлука и го отпушти дотогашниот тренер Штефен Баумгарт. На негово место беше назначена 34-годишната Мари-Луиз Ета (по момински Багехорн).
Ета, која досега успешно го водеше младинскиот тим на Унион до 19 години, а во летото требаше да го преземе женскиот тим на клубот, сега доби многу потешка и поодговорна задача – да го спаси Унион Берлин од испаѓање од Бундеслигата.
„Воодушевена сум што клубот ми ја даде довербата за оваа тешка задача. Силата на Унион отсекогаш била и останува во тоа што во критични моменти сите ние ги здружуваме силите. Секако, сигурна сум дека ќе ги собереме потребните бодови кои ќе нè спасат“, изјави Мари-Луиз Ета веднаш по преземањето на функцијата.
Унион Берлин моментално се наоѓа на 11. место на табелата, но само со седум бодови предност пред Занкт Паули, кој е на 16. место и се наоѓа во зоната на баражот за испаѓање од елитното натпреварување.
+++ Neue Kraft für den Endspurt: Marie-Louise #Eta übernimmt +++
Die Profimannschaft der Männer wird die Schlussphase der Saison und den Kampf um den Klassenerhalt unter der Leitung von Marie-Louise Eta angehen, bisherige Trainerin der U19-Junioren und künftige Cheftrainerin der… pic.twitter.com/5w84jM4kyu
— 1. FC Union Berlin (@fcunion) April 11, 2026