Откако украинскиот претседател Володимир Зеленски прогласи дека поправките се завршени и ја повика ЕУ да го деблокира заемот од 90 милијарди евра што беше заглавен поради спорот за нафтоводот, Украина денес ќе го продолжи транзитот на нафта преку нафтоводот Дружба.
Испораките на нафта треба да започнат денес на ручек, изјави извор од индустријата, додавајќи дека унгарската нафтена компанија МОЛ го поднела првото барање за транзит.
Изворот, кој зборуваше под услов да остане анонимен, рече дека првата пратка ќе биде подеднакво поделена меѓу Унгарија и Словачка, но не прецизираше за колкава количина нафта. Прекинот на протокот на нафта низ нафтоводот по рускиот напад врз пумпна станица во Украина во јануари предизвика лути реакции од членовите на Европската унија Унгарија и Словачка.
Тие го обвинија Киев за намерно одложување на поправките, обвинение што го негира. Унгарскиот премиер Виктор Орбан стави вето на двегодишниот заем од ЕУ за Украина и покрај тоа што веќе е одобрен од Европскиот совет, што ги налути многу членови на блокот од 27 земји.
Орбан – сојузник на рускиот претседател Владимир Путин – ги загуби изборите на 12 април, отворајќи го патот за деескалација на кризата. Зеленски, кој претходно изјави дека гасоводот ќе биде рестартиран до крајот на април, во вторник објави дека поправките се завршени и дека е подготвен за рестартирање.
Во вечерното видео обраќање, украинскиот лидер ги повика властите во Брисел да ја обезбедат исплатата. „Веќе нема основа за блокирање на кредитот“, рече тој.
„Европската унија побара од Украина да го поправи нафтоводот Дружба, кој беше оштетен од Русите. Ние го поправивме. Се надеваме дека и Европската унија ќе ги спроведе договорите“, додаде Зеленски.
It is essential that the €90 billion European support package for Ukraine be unblocked. There can be no grounds for blocking it anymore. The EU asked Ukraine to repair the Druzhba oil pipeline, which had been destroyed by Russia. We have repaired it. We hope the EU will also… pic.twitter.com/kl5rcpcOfQ
— Volodymyr Zelenskyy / Володимир Зеленський (@ZelenskyyUa) April 21, 2026