Македонија

Каракачанов „согласен“ со Муцунски – немало Северномакедонци, имало македонски Бугари!

Може и југозападни Бугари, ако им е поудобно, додава некогашниот вицепремиер и министер за одбрана на Бугарија

2 минути за читање

Поранешниот вицепремиер и министер за одбрана на Бугарија, Красимир Каракачанов, со свој коментар за „искричењето“ меѓу Скопје и Софија откако новата шефица на бугарската дипломатија Велислава Петрова-Чамова откри „северномакедонски“ партнери, а нејзиниот македонски колега Тимчо Муцунски ѝ реплицира дека Македонците се Македонци.

„Македонскиот министер за надворешни работи Тимчо Муцунски е многу незадоволен од изјавата на новата бугарска министерка за надворешни работи, која ги нарекла Северномакедонците – Северномакедонци. Таа, едноставно, кажала дека сакаме да развиваме добри односи со нашите северномакедонски партнери. И тоа многу го јадосало Тимчо Муцунски, големиот северномакедонски дипломат, па го повикал бугарскиот амбасадор за објаснување. Според него, немало Северномакедонци. Се согласувам – нема Северномакедонци, зошто ниту Даме Груев ниту Ванчо Михајлов зборуваат за Северномакедонци. Тие зборуваат за македонски Бугари. Јас се согласувам со овие две историски личности, Даме Груев и Ванчо Михајлов. За мене исто така нема Северномакедонци, има македонски Бугари или југозападни Бугари“, вели лидерот на ВМРО-БНД во снимена изјава на својот профил на Фејсбук.

„Но, со оглед на тоа што г-дин Муцунски и неговата партија ДПМНЕ, кои владеат во Скопје, откако се на власт водат една одвратна антибугарска кампања, ги гонат Бугарите, ги судат, ги затвораат бугарските организации, постојано ја плукаат Бугарија. На истиот тој голем дипломат Муцунски треба да му е познато едно просто правило во меѓународните односи – реципроцитет. Кога ти се однесуваш лошо со некого, не треба да очекуваш од него тој да биде љубезен со тебе. Така што г-дин Муцунски повторно да ја прочита историјата и да не се лути. Нема Северномакедонци, има или македонски Бугари, или југозападни Бугари, ако им е поудобно“, додава некогашниот (нај)близок сојузник на тогашниот бугарски премиер Бојко Борисов, кој со Зоран Заев во 2017 година го потпишаа Договорот за добрососедство, пријателство и соработка.

„Поздрав за нашата нова министерка за надворешни работи. Токму така – за лошо куче, лош стап!“, го заокружува Каракачанов својот „видео настап“.

 

Поврзани теми:

Тимчо Муцунски|Красимир Каракачанов|Велислава Петрова-Чамова|„Северномакедонци“|топ|Бугарија

Повеќе на оваа тема:

Најнови вести од: Македонија

(Фото галерија): Скопје наскоро ќе добие нов мултифункционален комплекс ТРИАНГЛА, современо место за уживање

Лоциран во општина Гази Баба, со влез на булеварот „Александар Македонски“, комплексот претставува нов современ концепт на малопродажен парк во источниот дел на Скопје. Инспириран од европските модели на отворени трговски комплекси, хотелиерство и урбани содржини за секојдневно уживање, проектот има цел да создаде нова значајна градска дестинација за жителите на Скопје и посетителите од регионот.

Никола Петров Русински: Македонија не е српска, ниту грчка, ниту бугарска! – Македонија е на Македонците!

„Македонија не е ниту српска, ниту грчка, ниту бугарска, ниту турска! Македонија е на Македонците!“ – порачал во почетокот на јули 1901 година Никола Петров Русински, кој во македонската национална историја останува запаметен како близок соработник на Гоце Делчев, Васил Главинов и на други истакнати македонски револуционери, но и како еден од основачите на четничкиот институт на Македонската револуционерна организација (МРО). Целиот живот го посветил на идејата „Македонија за Македонците“. Русински бескрајно многу ја сакал својата татковина, велел дека за него „цела Македонија му била роден крај“. Денес се навршуваат 83 години од неговата смрт.

Рама: „Мајката“ Урсула да не ги заборави своите „седум деца“ од Западниот Балкан! Неодржливо е да не сме на масата каде што се одлучува!

Европа денес има потреба од Западен Балкан колку што и ние имаме потреба од неа, а можеби и повеќе. Нашиот регион е во многу подобра позиција отколку пред неколку години и време е политички да стане дел од европското семејство, изјави албанскиот премиер Еди Рама во интервју за „Еуроњуз Србија“. Тој смета дека земјите од Западен Балкан повеќе не треба да бидат оставени настрана од европските процеси.

Летови со владин авион, хотелски трошоци и спорни набавки – ексдиректорот на СОЗР заработи кривична

За приватни потреби и без да постои основ го користел владиниот авион Лирџет 60, а при патувањата од сметката на СОЗР се вршени плаќања по разни основи. Освен тоа, за хотелски и угостителски услуги обвинетиот неосновано користел средства од службената картичка издадена на негово име
Сите вести од Македонија

Најнови вести

To top