Свет

Фицо: Што му е гајле на Мерц дали сум бил во Москва или не?

Словачкиот премиер изненаден од критиките од германскиот канцелар за неговата неодамнешна посета на Русија

Словачкиот премиер Роберт Фицо реагира на забелешките од германскиот канцелар Фридрих Мерц за неговата неодамнешна посета на Русија, порачувајќи му дека не треба да се меша во политичките односи меѓу Братислава и Москва.

Фицо рече дека Мерц сакал да одржат работен состанок на 29 мај, но премиерот бил шокиран кога дознал дека една од темите на разговорот требало да биде неговото патување во Москва.

„Бев шокиран кога ми кажаа дека треба да разговара со мене за моето патување во Москва. Што му е гајле на германскиот канцелар дали сум бил во Москва или не?“, рече тој на средба со студенти.

Фицо додаде дека состанокот на крајот бил откажан без објаснување, додавајќи дека би реагирал „многу остро“ доколку Мерц се обидел да го прекори за неговата посета на Москва.

На препукувањето му претходеше настанот по повод Денот на победата во Москва на 9 мај, каде што рускиот претседател Владимир Путин се сретна со Фицо, кој беше меѓу лидерите што присуствуваа на настанот. Иако словачкиот премиер не присуствуваше на парадата, тој по состанокот забележа дека, и покрај критиките, европските политичари наскоро ќе му се обратат за да дознаат детали за неговите разговори со рускиот претседател.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top