ВРЕДИ во соопштение тврди дека во време на владеењето на ДУИ не бил спроведен ниту еден голем инфраструктурен проект, ниту еден километар автопат до Гостивар, Кичево, Струга, Блаце или Ќафасан..
„Албанците добиваа само цвеќе, ленти и фотографии на Фејсбук со лицата на Артан и Бујар. Патишта се градеа насекаде, освен таму каде што живеат Албанци. Додека државата инвестираше во Крива Паланка, Штип, Кочани, Радовиш, Струмица и Гевгелија, ДУИ не покажа интерес за изградба на инфраструктура во западниот дел од земјата.“
Од ВРЕДИ за пример го дадоа влегувањето на автопатот Скопје-Блаце во завршна фаза.
„Денес реалноста е поинаква, благодарение на ВРЕДИ. Градежна офанзива е видлива во сите западни региони. Од Тетово, преку Гостивар, до Кичево и Струга – булдожери, камиони и асфалтни бази докажуваат дека и таму конечно започнала изградбата.
Тивко, со посветеност и решителност. ВРЕДИ работи тивко, но резултатите се видливи секој ден: нови правци, реконструирани сегменти и проекти што им служат на сите граѓани. Покрај патиштата, инвестираме над 300 милиони евра во локалната економија, инфраструктурата, образованието и зелената транзиција, бидејќи развојот мора да стигне до секое село и град“, велат од Коалицијата.