Изгаснат е пожарот во викенд населбата Кумлак над градот Штип во кој беше повреден сопственик на викенд куќа спасувајќи си го својот објект од огнените јазици. Пожарникарот од ТППЕ-Штип, Александар Георгиевски кој учествувал во гаснењето на пожарот и спасувањето на сопственикот на викенд куќата вели дека повредниот е со изгореници по екстремитетите и има вдишано чад. Забележува дека денеска имале среќа што е спасен човечки живот.
(Видео): Пожар зафати викендички кај Штип, повреден е еден од газдите
Градоначалникот на општина Штип, Иван Јорданов и директорот на ДЗС, Стојанче Ангелов го посетија повредниот човек во штипската Клиничка болница. Ангелов во изјавата за медиумите вели дека според сведоци денешниот пожар е различен од оној вчерашниот кој избувна на речиси истата локација.