Приколка се преврте на автопатот кон Гевгелија, предизвикувајќи материјална штета, потврдија денес за МИА од Секторот за внатрешни работи – Велес.
„Утрово во осум часот во СВР – Неготино е пријавено дека на автопатот Демир Капи – Гевгелија, по тунелот Т-2, П.З., 58-годишен од Република Србија, управувајќи возило од типот „Мерцедес“ со приколка со српски регистарски ознаки, изгубил контрола и приколката се превртела на патот. Во несреќата е предизвикана само материјална штета“, велат во СПБ – Велес.
Оттаму додаваат дека увидна екипа од СВР – Неготино извршила увид на местото на настанот. За време на увидот, сообраќајот се движел по една лента и е нормализиран во 10:50 часот.