Македонија

Малолетниците симнати од тротинетите – почна да функционира новиот закон за електричните тротинети

Малолетниците кои возат електричен тротинет од денеска ќе си добијат казна

2 минути за читање

Малолетниците кои возат електричен тротинет од денеска ќе си добијат казна. Оние пак со над 18 години, ако возат со брзина поголема од 20 километри на час, исто така ќе бидат казнети. Забрането е и групно возење електрични тротинети. Во собранието поминаа измените на законот за безбедност на сообраќајот, со кој се прави голем чекор кон поголема безбедност на улиците. Граѓаните се запознаени со измените и казните, се надеваат дека конечно ќе се стави ред во дивеењето на младите кои секојдневно го полена полицискиот билтен со сообраќајни незгоди со овој вид возило.

„Благодарение на собранието и на владата што го спроведоа тоа, требаше и порано да се спроведе тоа“, вели граѓанин

„Не смееме да пуштиме деца воопшто по патека или вие да се движите, по двајца по тројца.“

„Тие што возат тротинети не се баш најдисциплинирани“

На главниот скопски булевар каде секојдневно на тротинет дивееја малолетници, сликата денеска беше различна. Малолетници не забележавме, ниту некој што вози со брзина поголема од дозволената. Сепак, има граѓани кои не се согласуваат со новите законски измени.

„Многу е 18, 14 години дефинитивно“, (статистиките покажуваат дека повеќето сообраќајки се со луѓе на 16-17 години.) „не верувам тоа.“

„Не е баш најдобра срединава за возење општо и… прво тоа треба, ова е само вртење околу главниот проблем.“

„Да имаме закон некој којшто се знае каде е пешачка патека каде е за возење за тротинети.“

Предлог измените беа најавени од владата откако министерот за внатрешни работи Панче Тошковски објави загрижувачки статистики. За две години регистрирани се над 2300 сообраќајки со електрични тротинети, мопеди и мотоцикли, а во последните 6 месеци повеќе од 100 луѓе биле сериозно повредени. Овој закон е европски чекор, во Париз тротинетите за изнајмување се целосно забранети, а за приватните треба да следат строги правила во сообраќајот. Во Велика Британија пак тие воопшто не смеат да излезат на улица. Кај нас за прекршување на новите правила, може да следат казни и до 275 евра како и одземање на „лесното електрично возило“, како што е пишано во законот.

Поврзани теми:

закон|малолетници|тротинети|мвр|топ|видео

Повеќе на оваа тема:

Најнови вести од: Македонија

Поделба, федерализација, размена на население – Ахмети, Бучковски, Тачи и Георгиевси со четири верзии за 2001

Прославата на 25-годишнината од потпишувањето на Охридскиот рамковен договор организирана од ДУИ отвори едно од најчувствителните прашања од конфликтот во Македонија во 2001 година – дали во текот на кризата постоел план за поделба на Македонија. Според последните изјави на Али Ахмети, Владо Бучковски и Мендух Тачи се појавуваат три различни толкувања, а во целата приказна повторно се враќа и улогата на Љубчо Георгиевски и на идеите што тогаш се поврзуваа со МАНУ.

(Фото+Видео): Ужасот над Зелениково, ноќеска од пожар спасени куќи, рече Ангелов

Околу 2 часот по полноќ пожарот над Зелениково веќе не бил далечна црвена линија на ридот. Огнот се приближувал кон последниот ред куќи, а една вознемирена жителка побарала помош од директорот на ДЗС. Во такви минути нема простор за административно префрлање од телефон на телефон – или некој реагира веднаш или растојанието меѓу пламенот и домот станува опасно кратко.

Политиката мора да ги тргне рацете од образованието, реагира министерката Јаневска

Многу години наназад образованието било поле каде што се судрувале политички копја, но откога јас сум министер постојано повторувам и јасно дадов на знаење дека политиката мора да ги тргне рацете од образованието, затоа што, не е тоа флоскула туку реалност – образованието е еден од најсилните столбови на државата и е потребно во сите ресори, рече Јаневска.

(Видео): Нема повеќе листи на чекање – сè се сработува во предвидениот рок, рече Андоновска

Институтот за јавно здравје (ИЈЗ) ги расчистил заостанатите предмети и повеќе нема листи на чекање за пристигнатите барања од МАЛМЕД, информира директорката на Институтот. „Некогаш се чекало од три до шест месеци и се имаше натрупано работа, предмети… Некои се чувале и по фиоки, се прашувам зошто!?“, напиша директорката Марија Андоновска. Таа посочува дека со […]

Голем метеж и чекање на граница, само на „Богородица“ се чека околу еден час

Од АМСМ апелираат до возачите да ја приспособат брзината кон условите на патот и да ја почитуваат поставената сообраќајна сигнализација. Се препорачува дополнително внимание при движење низ котлините, речните долини и клисурите, каде што постои ризик од појава на одрони.

Млади луѓе со години чекаат трансплантација на срце

Дарко и Васко бараат шанса за живот, која може да се роди во најтешкиот момент за едно семејство – со одлуката да донира органи и да спаси други животи. За десетиците пациенти кои чекаат трансплантација, органодарителството е единствената надеж.
Сите вести од Македонија

Најнови вести

To top