Покрај другото, во анализата се истакнува: Во изјавата на Трамп изразот „Трет Свет“служи како политичка метафора. Голем број од државите, што порано се нарекуваа „земји од Третиот Свет“, имаа ниски приходи, слаб индустриски развој, нестабилни политички системи, висока корупција и чести оружени конфликти.
„Пораката на Трамп е јасна: ако Европа продолжи да прима голем број мигранти, особено нелегални, според неговата логика ќе ги преземе и проблемите што тој ги поврзува со државите од кои тие доаѓаат, а тоа се криминал, слабеење на институциите, несигурност, пад на животниот стандард итн. Трамп сака да создаде впечаток дека европските општества се движат кон модел на нестабилност. Европа во неговата порака претставува пример што, според него, САД треба да го избегнат.“ – велат политиколозите, со кои се консултира „Нова Македонија“.