Писателката Румена Бужаровска се најде во центарот на нова полемика откако нејзините две јавни реакции во период од неколку месеци открија очигледни двојни стандарди во однос на почитувањето на авторските права.
На 24 јули 2026 година, Бужаровска со право го критикувала Прилепскиот театар што во своја претстава го адаптирал култниот роман на Џ. Д. Селинџер „Ловецот во ’ржта“ без да обезбеди авторски права.
Меѓутоа, на 17 март 2026 година, истата авторка јавно ја дала својата поддршка на здружението ИРЛ Македонија, кое за документарен филм финансиран од МРТ користело авторски дела на Љупчо Златев, Бранко Героски, Кристијан Ландов и Богдан Илиевски, исто така без соодветни авторски права.
Документарниот филм беше суспендиран од платформата YouTube, а правниците на компанијата потврдија дека станува збор за прекршување на македонскиот Закон за авторски и сродни права. Против ИРЛ Македонија е покренат и судски процес.
И покрај обвинувањата од ИРЛ дека станува збор за „одлука на компјутер“ и цензура, постојат писмени потврди дека станува збор за јасно кршење на авторските права.
Уредникот на Радио Лидер во својата објава на темата ова поведение го дефинира како класичен пример на „интелектуална балканштина“.
„Интелектуална балканштина е да поддржуваш некого кога прави прекршок, само затоа што ти е пријател, роднина или истомисленик. Според принципите на интелектуалната балканштина, за истиот прекршок тие кои не ти се пријатели, роднини или истомисленици можеш да ги критикуваш. Со еден збор, интелектуална балканштина е кога не гледаш подалеку од носот и личниот интерес“, се наведува во објавата на Златев.
Златев објавува две фотографии за двојните стандарди на Бужаровска
Овој случај повторно ја отвора темата за селективната примена на принципите кај дел од македонските интелектуалци и јавни дејци, каде што ставот често зависи од личните врски и припадноста на „таборот“, а не од самата суштина на прашањето.
Фотографиите од двете контрадикторни објави на Бужаровска на социјалните мрежи јасно ги потврдуваат двојните стандарди.
Дали станува збор за изолиран случај или за поширок феномен на „интелектуална балканштина“ – допрва ќе покаже времето и реакциите на самите актери.
Дел од фотиграфијата е принт скрин од емисија Култ Култура на Телма