Македонија

Ново зголемување на цените на нафтените деривати

Во согласност со светските пазари и курсот на доларот

2 минути за читање

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе одлука за зголемување на малопродажните цени на нафтените деривати, која стапува на сила од 28 јули 2026 година од 00:01 часот.

Според одлуката, цените се зголемуваат во просек за 4,55 отсто во однос на претходната пресметка од 20 јули 2026 година. Зголемувањето е во согласност со движењата на светските пазари и курсот на денарот во однос на доларот.

Референтните цени на нафтените деривати на светскиот пазар бележат раст: кај бензините за 6,229 отсто, кај дизелот за 7,442 отсто, кај екстра лесното масло за 8,051 отсто и кај мазутот за 8,159 отсто. Курсот на денарот во однос на доларот е понизок за 0,0397 отсто во споредба со претходната пресметка.

Новите максимални цени од 28 јули ќе изнесуваат:

  • Моторен бензин ЕУРОСУПЕР БС-95 – 93,00 денари за литар
  • Моторен бензин ЕУРОСУПЕР БС-98 – 95,00 денари за литар
  • Дизел гориво ЕУРОДИЗЕЛ БС (Д-Е V) – 98,50 денари за литар
  • Масло за горење Екстра лесно 1 (ЕЛ-1) – 98,00 денари за литар
  • Мазут М-1 НС – 48,099 денари за килограм

Конкретно, цените на бензините ЕУРОСУПЕР БС-95 и БС-98 се зголемуваат за по 3,00 денари по литар, цената на дизелот за 4,50 денари по литар, екстра лесното масло за 5,00 денари по литар, а мазутот за 2,726 денари по килограм.

Поврзани теми:

поскапување|нафтени деривати|избор|РКЕ

Повеќе на оваа тема:

Најнови вести од: Македонија

Водата во Маврово привремено не е безбедна за пиење, водоводната мрежа се чисти превентивно

Жителите на дел од Маврово привремено не треба да ја користат водата од градскиот водовод за пиење, поради превентивни активности за чистење на водоводната мрежа, соопшти Јавното претпријатие за комунални дејности „Маврово“.

Парното греење во Скопје поскапува за 5,96 отсто – просечната месечна сметка од 2.353 на 2.493 денари

Од 1 август цената на топлинската енергија за домаќинствата во Скопје ќе се зголеми во просек за 5,96 проценти, соопшти денеска претседателот на Регулаторната комисија за енергетика (РКЕ), Ацо Ристов.

Архиепископот на МПЦ-ОА Стефан: Да го чуваме наследството на Свети Климент Охридски, за да се зачуваме и себе си како македонски народ

„Да ги чуваме наследството и споменот на Свети Климент Охридски, зашто само така ќе се зачуваме и себеси. Народот што ги заборава своите духовни учители постепено го губи и чувството за сопствениот пат, за сопствената иднина.“ – порача поглаварот на Македонската православна црква – Охридска Ариепископија Стефан синоќа на Свечената академија „Во слава на словото“ по повод 1.110 години од упокојувањето на Свети Климент Охридски и 100 години од починувањето на Крсте Петков Мисирков.

Просветителот Свети Климент Охридски, основачот на Охридската книжевна школа – еден од столбовите на македонскиот идентитет и духовност

Македонската држава, православните верници насекаде низ светот, денес го одбележуваат денот на упокојувањето на македонскиот и словенски просветител Свети Климент Охридски. Тој починал на 27 јули 916 година во Охрид. Бил погребан во гробот, што самиот си го подготвил во манастирската црква „Свети Пантелејмон“ на Плаошник во Охрид. Починал на речиси 80-годишна возраст по долги години просветителска, книжевна и архипастирска дејност. Свети Климент Охридски со своето дело станал духовен и верски светилник на македонскиот народ, но и на сето словенство. Неговата мисионерска, учителска и просветителска дејност во Охрид е продолжение на големото мисионерско дело на Светите македонски браќа Методиј и Кирил. Св. Климент творел врз духовните темели, поставени и осветени од нив како негови учители.
Сите вести од Македонија

Најнови вести

To top