Главниот град на Македонија има своја објавата во туристичкиот водич Europa.tips кој е на германски јазик.
Под наслов „Skopje Reise 2026 und die schönsten Sehenswürdigkeiten“ Патување во Скопје 2026 и најубавите знаменитости, се дава основен преглед за тоа што германски и други туристи може да го видат овде.
Во текстот се оценува дека Скопје во 2026 година е добра опција за кратка тура за оние што сакаат да ја запознаат Македонија.
Градот е релативно евтин во споредба со западноевропските престолнини, особено за храна и локален транспорт, пишува блогот.
Колку денови се потребни за да се доживее Скопје?
– 2 дена се доволни за главните градски знаменитости.
– 3 дена се подобри ако сакате да го посетите и кањонот Матка, околу 17 км од центарот или планината Водно со Милениумскиот крст.
Што да се види?
Авторот препорачува пешачка рута:
Стар чаршија (Eski Çarşı / Alter Basar) кој е најинтересниот дел според авторот.
,,Османлиски карактер, тесни улички, продавници, кафулиња, цркви, џамии, анови. Најдобро наутро.
Камениот мост – симбол на градот, ја поврзува чаршијата со плоштадот.
Тврдина Кале – поглед кон градот и долината на Вардар.
Плоштад Македонија – модерен дел со големи статуи, вклучувајќи ја статуата „Воин на коњ“ / Александар Велики), неокласични згради”, препорачува Europe.tips каде пишува и за модернистичко/бруталистичката архитектура од обновата по земјотресот во 1963 година вклучувајќи влијание на јапонскиот архитект Кензо Танге.
Авторот истакнува дека Скопје е интересно токму поради мешавината на епохи: османлиска чаршија, средновековни елементи, модерна национална архитектура и пост-земјотресна модерна градба – сè на неколку минути одење.
Градот е компактен – главните атракции во центарот се лесно достапни пеш.
Текстот е личен искуствен водич со совети за транспорт, храна и атмосфера кој може да се препорача на странци но и на домашни туристи.