Министерот за здравство Сашо Клековски, вчера упати апел до граѓаните, доколку забележат мртва дива птица, особено гавран, или друга птица, да го пријават случајот во Агенцијата за храна и ветеринарство.
„ Најчести резервоари на западнонилска треска се гавраните. Имаме апел за пасивно пријавување, односно сите граѓани кои ќе најдат мртва дива птица, гавран или која било друга птица, да ја пријават во Агенцијата за храна“, рече Клековски.
Во загрозените подрачја ќе биде спроведена и засилена контрола на живината, со посебен фокус на живината која слободно се движи во близина на каналите за наводнување.
Потврдени 35 случаи на западно-нилска треска, 6 лица на интензивна нега