„За жал, некои злобници од користољубие или осветнички мотиви упорно го палат пожарот. Со ваквото поведение тие директно го ризикуваат животот на жителите од околните села под Китка“, изјави вчера директорот на Дирекцијата за заштита и спасување, Стојанче Ангелов.
Потпалувачите – вели Ангелов – запалиле долга линија, по што пожарот брзо се проширил. Тој апелираше на поголема будност од жителите и рече дека службите работат на откривање на сторителите.
Борбата со пожарот траеше и во текот на ноќта. Екипите го бранеа селото Палиград, кое беше загрозено од огнот. Гасењето продолжува наутро со „Ер тракторите“.