Главниот одбор на Српската напредна странка (СНС) денеска во Ниш едногласно реши претседателот на државата Александар Вучиќ да биде носител на партиската листа за претстојните парламентарни избори и кандидат за нов премиер.
„Александар Вучиќ е персонификација на слободна, силна, суверена и победничка Србија“, рече претседателката на Собранието на Србија и членка на раководството на СНС, Ана Брнабиќ.
Вучиќ од своја страна порача дека, ако биде избран, ќе го сведе новиот владин кабинет на 12 министри, наместо сегашните 31, од кои петмина се без ресор.
Тој најави дека изборите ќе ги распише на 9 или 10 септември, а можни датуми за нивно одржување се 18 и 25 октомври.