Бизнис

Народна банка ги поттикнува младите истражувачи – во тек Конкурсот за годишната награда

Годишната награда е наменета за поттикнување на научноистражувачката работа и развојот на економската мисла, како и за афирмирање на младите и стручни кадри.

1 минута за читање

Народната банка потсетува дека е во тек Конкурсот за годишната награда за млади истражувачи за најдобар труд од областа на макроекономијата и банките и банкарските системи. Годишната награда е наменета за поттикнување на научноистражувачката работа и развојот на економската мисла, како и за афирмирање на младите и стручни кадри. На Конкурсот можат да учествуваат државјани на Република Северна Македонија на возраст до 35 години, со истражувачки труд кој содржи осврт кон македонската економија.

Трудовите може да бидат напишани на македонски, на албански или на англиски јазик, а на конкурсот може да се поднесе и труд што е веќе објавен, доколку е објавен по 1 јануари 2025 година. За најдобрите трудови се предвидени парични награди во износ од 130.000 денари за прворангираниот и 65.000 денари за второрангираниот труд.

Крајниот рок за доставување на трудовите е 1 февруари 2027 година. Повеќе информации за условите за учество, начинот на пријавување, критериумите за оценување и за целокупната постапка се достапни во Конкурсот за доделување на годишната награда на Народната банка за 2027 година.

Поврзани теми:

награда|НБРМ|конкурс|Нардона банка|банкарство

Повеќе на оваа тема:

Најнови вести од: Бизнис

Прво пенливо вино од линијата „Луда Мара“ на „Тиквеш“: Од Тиквешијата, создадено за светската сцена

Винарската визба „Тиквеш“ го лансираше на пазарот Luda Mara Sparkling – првото пенливо вино во линијата Luda Mara. Неговиот современ визуелен идентитет е креиран во соработка со реномираното шпанско дизајнерско студио Girafa, со цел автентичното потекло на виното да биде претставено преку препознатлив дизајн со кој може рамноправно да застане на винските полици на развиените светски пазари. Од „Тиквеш“ посочуваат дека новото пенливо вино е пример како локалното потекло и традиционалното винарско знаење можат да се поврзат со современите светски трендови, при што очекуваат значителен интерес кај потрошувачите.

Хуманоста како традиција: „АЛКАЛОИД“ со нова донација за здравјето на најмладите

Од првиот Хуманитарен пикник до денес собрани се близу 14 милиони денари наменети за поддршка на здравствени установи, хуманитарни и граѓански организации, деца, лица со ретки болести, ранливи категории и лица од третото доба, како и за иницијативи за заштита на животната средина

Мицковски: Со завршувањето на проектот за антимон ќе ја зголемиме важноста на Македонија и економскиот стандард

Тој се повикува и на првичните извештаи за резервите, според кои, како што наведува, тие би можеле да бидат значително поголеми од збирните резерви на двете водечки земји во светот во производството на антимон

Хрватска е првата земја што најде решение за македонските транспортери

Хрватска е првата земја што најде решение за македонските превозници. Од 23 септември оваа земја треба да почне да прима барања за долгорочни визи. Ова го најави Билјана Муратовска од Макам-транс. Во другите земји сè уште важи старото правило, возачите можат да бидат во Шенген најмногу 90 дена во период од 180 дена.

Сите вести од Бизнис

Најнови вести

To top