Триесет и петгодишен жител на Штип со тешки телесни повреди е хоспитализиран во Комплексот клиники „Мајка Тереза“ во Скопје. Полицијата ги проверува околностите под кои настанале повредите.
Од МВР соопштуваат дека на 21 септември во 10 часот во СВР Скопје било пријавено од Клиниките „Мајка Тереза“ дека кај нив бил примен Р.Ј. (35) од Штип со тешки повреди.
Според пријавата на таткото, на 16 септември од јавна здравствена установа во гевгелиско, каде што се лекувал неговиот син, бил известен дека Р.Ј. паднал од кревет и се повредил.
Повредениот, пак, тврди дека во установата бил физички нападнат од болничар.
МВР презема мерки за целосно расчистување на случајот.