Македонија

Случајот со “бегалката” – упад во македонскиот правосуден и безбедносен систем.

Со тоа што Бугарија одбива да постапи по потерницата на македонското МВР, како државата членка на ЕУ прави упад во државниот и правниот систем на соседна суверена земја, иако случајот го претстави како „хуманитарен“

2 минути за читање

 Бугарија се изјасни дека не чувствува обврска да одговори на потерницата преку Интерпол на македонското МВР, зашто Ива Михаилова која нелегално пребега во соседната земја била и бугарска државјанка.

„Бидејќи пред бугарските медиуми за „хуманитарнитарните причини“ за наводно лекување на Михаилова објаснуваше нејзиниот адвокат од Бугарија, кој рече дека и самиот учествувал во акцијата на илегален премин, со кој се прекршени повеќе судски забрани изречени во Македонија, и правните лаици согледуваат дека е извршен упад во македонскиот правосуден систем од страна на државјани на земја – членка на ЕУ.
Имено, официјална Софија не чувствува ни обврска да утврди на каков (не)законски начин односната Михаилова ја преминала македонско-бугарската граница, бидејќи ја нема во граничната евиденција ниту на македонска, ниту на бугарска страна.
А, со тоа што Бугарија одбива да постапи по потерницата на македонското МВР, и државата членка на ЕУ прави упад во државниот и правниот систем на соседна суверена земја. Односно прави надворешно мешање и безбедносни ризици во македонскиот правосуден и безбедносен систем“  се вели во анализата што ја објави порталот МКД.Мк.
Во анализата се потсетува дека високата претставничка на Европската Унија за надворешна и безбедносна политика, Каја Калас, на последните состаноци на ЕУ истакна дека земјите од Западен Балкан кои се стремат кон членство во ЕУ мора да исполнат некои клучни услови и критериуми, кои повторно не се во рамките на Копенхагенските критериуми.

„Секако и понатаму во критериумите останува усогласувањето на надворешната политика – што значи дека земјите-кандидатки мора 100-процентно да ја усогласат надворешната и безбедносна политика со политиката на Европската Унија.

Но, критериумот на безбедносно усогласување се проширува и на борба против хибридни закани и дезинформации, односно зајакнување на соработката против надворешно мешање и безбедносни ризици.

Поради непрецизноста „новиот критериум“ за земјите-кандидати во ЕУ, некако останува недоречено дали борбата против хибридни закани и дезинформации, како и надворешното мешање и безбедносни ризици се однесува и кога тие доаѓаат од земји-членки на ЕУ.

Зашто однесувањето и постапките на бугарските институции и политичари во случајот со Ива Михаилова ги исполнува сите „критериуми“ за  – надворешно мешање и безбедносни ризици во македонскиот правосуден и безбедносен систем“ се вели, меѓу другото, во анализата на МКД.Мк.

ПОВЕЌЕ 

Поврзани теми:

хибридни напади|Ива михаилова|хуманитарен случај|актуелно|Бугарија

Повеќе на оваа тема:

Најнови вести од: Македонија

Мицкоски: По 6 месеци од најавуваните скандали за унгарскиот кредит, нема ниту „К“ од криминал

Мицкоски посочи дека наместо најавуваните скандали од опозициската СДСМ, досегашните информации покажуваат дека средствата од унгарскиот кредит биле искористени за поддршка на економијата и на домашното стопанство, а тоа го потврди и извештајот на Државниот завод за ревизија

Петров: За Филипче гласале и мртви – неговиот избор на чело на СДСМ е контроверзен

Нека си даде оставка, нека се избере претседател, нека се кандидира слободно, нема да го изберат без електронски картички ни под разно. Ако му биде кандидат некој од овие столбови на СДСМ што биле со години, теоретски шанси нема
Сите вести од Македонија

Најнови вести

To top